منتــدى بــويـــه
 
الرئيسيةس .و .جبحـثقائمة الاعضاءالمجموعاتالتسجيلدخول

شاطر | 
 

 روايه : حتى الردايا تالي الوقت شاخت / بقلمي جريئه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
NNOOSH



انثى عدد الرسائل : 106
العمر : 19
الموقع : q8
العمل/الترفيه : 6alba
المزاج : Raiq
تاريخ التسجيل : 27/06/2012

مُساهمةموضوع: روايه : حتى الردايا تالي الوقت شاخت / بقلمي جريئه    الإثنين مارس 24, 2014 2:05 pm

بسم الله الرحمن الرحيم
اتمنى تعجبكم الروايه
ابدي قصتي في
>> الاداره <<
بالتحديد عند المديره
بغرفهه فاضيه ما فيها الا المديره
والبنتين الي اهم ابطال الروايهه
( وهج ، وسميه )
المديره : اقولج اعترفي انتي وياها منو الي فيكم كسر الجهاز
وهج بنبره بكي والي ماسكه دمعتها: ابله والله العظيم وقسم
بالله اني ما كسرت شي ولا مريت على المختبر ابله والله
( وتقعد تبكي )
وسميه : ابله والله مضلومين ابله بالعقل ليش نكسر جها غالي شنو نستفيد بالله
المديره : لا عورتو قلبي وكسرتو خاطري ( تقولها بغباء)
تدرين انتي ويها شنو عقوبه الي سوتوهه
وهج بخوف وقلق وتوتو وكل شي : شنو؟؟
المديره :نقل حبيبتي + تدفعين فلوسه لان هذه الجهاز غالي مو بدينار ولا دنارين
لا حبيبتي هذه بالالف هذه من كثر من اهو غالي انا شريت بس 2 تخيلو المدرسه كلها على جهازين والحين جيتو انتم وكسرتو واحد منهم ، لو انكم بدالي شنو تسووون قولي لي شنو تسووون ابي اسمع الحل الي يريحني
وسميه : ابله منو موصل الكلام ان احنا الي كسرنا الجهاز
المديره : مالج شغل بالي منو الي قال
وسميه ؛ ابله لازم اعرف لان يمين يسار بجيب ابوي وراح نعرف من الي قالت يعني لو تقولين الحين احسن
المديره ؛ ما اعرف اسمها
وسميه ؛ طيب اوصفيها
المديره : شعرها قصير حيل
وسميه : اييي
المديره : كنه شعر اولاد
وسميه بصدمه : اييي
المديره : مسترجله والعياذ بالله بويه يعني
وهج طول القعده قاع تبجي لان خلاص مستقبلها رااح
خصوصاً انها الاولى على المدرسه
وهج ؛ انزين ابله ماكو حل ثاني غير النقل
المديره: لو النقل يرضيني جان نقلت بس انا ابي فلوسي
وسميه بقله صبر وبعصبيه ؛ طيب يعني شنو تبين
المديره: بسوي اسدعاء اولياء الامور ونتفاهم
وسميه: طيب كيفج احنا نستأذن
المدريره: انزين روحو وهذي الاوراق وخلو اولياء الامور يجون باجر والله اذا ما جو ترا عندي الارقاام وكل شي
وهج ؛ انزين ابي ورقه علشان الابله الي علينا ما تزف
المدريره: هااج
وعطتهم الورقه وااحو
______
في اتجااه الصف
في بدااايه الممر الي توهه وهج و وسميه
توهم يدخلون الممرر الي شله قاعده
طبعاً شله بنات وبينهم بويه مشهوره لانها البويه الوحيده في المدرسه وهبال وضحك واكل وقعده على الشكل الدائري
دشت وهج واهي تتمنى توصل الصف بغمضه عين
دشت وسميه معصبه لانها ناويه تذبح الي ضلمهم
دشو واهم يمشون ومروو عند الشله
الشله كلها تصارخ وتنادري تومي تومي يا تومي تومي كاهم تومي
وبعد منادهه لان تومي كانت مندمجه بالفون
قامت : شفيكم
بنات شلتها : الخبله جات
تومي ؛ ايي خبله خبلاتي وااجد
الشله كلهم : هههههههههههههههههههههههههه
لان تومي قالتها بفهاوهه
الشله : يا بنت وهج كاهي وهج
تومي توها تركزز
وراحت لها تركض وبنات الشله ورها واهم يضحكون
تومي تكلم وهج : اهلن اهلن
وهج اكتفت بنضره
وسميه معصبه لان عرفت منو الي قال
تومي : شدعوهه ما تردين علي هذه وانا احبج
الشله : ههههههههه تخيلو عاد ههههههه ما تخيل شكلج تومي
مع هذي الخبله ههههه قلووو البنات الله ياخذج ههههه قويه ههههه
تومي : جب انتو وياها لا تصدقون اني احبها بس كذاا العب
ياخي فيني نقص عاطفي اخر زمن احب هالمعقدهه الي وجها
بالكتااب اللهم لا شماته بنات استغفرو علشان الله لا يبلاكم بسألج امانه انتي ما تملين ما تزهقين
كل هذه ووهج عيونها غرقااانه
وسميه بخوف بس ما تبي تبين لان مو زين تتهاوش مع تومي
ولان تومي عندها شعبيه بالمدرسه وااجد وخصوصاً ان تومي غاااايهه بالجمل جمال جمال جمال جمال لو اقول من اليوم لين باجر مارح اخلص
وسميه : طيب انتي الحين شنو تبين
تومي : طع من يتكلم عيدي حبيبتي


عدل سابقا من قبل NNOOSH في الإثنين مارس 24, 2014 9:46 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
NNOOSH



انثى عدد الرسائل : 106
العمر : 19
الموقع : q8
العمل/الترفيه : 6alba
المزاج : Raiq
تاريخ التسجيل : 27/06/2012

مُساهمةموضوع: رد: روايه : حتى الردايا تالي الوقت شاخت / بقلمي جريئه    الإثنين مارس 24, 2014 2:07 pm

البارت الثاني



تومي : طع من يتكلم عيدي حبيبتي ما سمعتج
واخيراً طلع لج صووت انا اعرف انج انتي مصخرهه نقولج
جب تبجين يا حياتي تخافين عليها حيل بعد قلبي يعني انا لو
توطيت ببطنها وطقيتها بتسوين شي ياحياتي اصلاً انتي
تتكلمين ولا لج صوت عبالي طرررمه
وسميه : هـ هـ نضحكك يعني !
الشلهه : تومي الجبهه الجبهه طاارت الحقي عليها بسرعه
تومي بعصبيه ؛ ما طلبت انج تضحكين ولا شي وانا على مزاجي
لو ابيج تضحكين ولا تبجين وانا مابي اوصخ ايدي فيج وخصوصاً
انج بتذلفين عن المدرسه وحراام اسوي لج حفله ودااع
بالمستشفى ترا انا لي قلب مو قاسيه لهدرجه
وهج : المدرسه كلها تدري انج انتي الي كاسرهه الجهاز
تومي : مو المدرسه كلها شدعوهه عاد ههههههه بس انتي ويها
وسميه : ابي اعرف احنا شنو سوينا لج علشان تسوين فينا جذي
تومي : للأمانه انا كنت العب بالمختبر وبالغلط صاح مني
وسميه بعصبيه :اييي
تومي : وقلت حرااام المدرسه تنقلني لان في نااس وااجد يبوني
اما انتم وجودكم كعدمه قلت خليني اخليكم بدالي
وهج : الله لا يوفقج
تومي : هههي هههي انتي احترمي نفسج
وسميه : والله وانا احلف بالله ان الدنيا دواارهه وبتمر الاياام وانا الي بقولج هذه الكلام وباخذ حقي منج
تومي بغرور : احلام الفقير وااجد تتت تتت يالله اخر زمن وسميه
تهددني ياروح امج ماله داااعي احطج برااسي بتكونين
حتى بمدرستج الجديده لاحقتج
وهج بخوف من كلام تومي لان كان فسها جدي : وسوم امشي
((( كل هذه طالبه سمعت كل السالفه بالتفصيل من اول ما دشت وسميه ووهج بالممر واهي كانت موجوده واهي
>> نوره << )))
نروح لنوره شوي
بالصف
نوره : تهااااني لحقي لحقي
اهي تقعد بتعب
تهاني بخرعه : شفيج
نوره : بقولج شي بس انتي قولي لي شرايج
( وقالت لها السالفه )
نوره : هاا اعلم الاداره بلي سمعته
تهاني : لا تكفين تفتحين على نفسج باب احسن لج تسكتين
نوره : بس حراام البنت مضلومه ، انزين شرايج اقول للاداره ان ما تعلم اسمي
تهاني : انتي خبله صح خبله اييي خلبه
نوره: ايي ليش ؟؟ ، خليني اساعد البنت حراام انا ما احب الضلم
تهاني : يبااا هيه هذي تومي هذي واهي ما تعرف وهج وسوت فيها جذي شلون انتي الي بنت صفها العام
نوره : يعني اسكت
تهاني : اييي احسن لج اسكتي لو درت تومي شفكج منها
نوره : اوكك بحاول امسك نفسي
تهاني : اييي تكفين نورهه مانبي مشاكل تكفين
_____________________
وراحت وهج ووسميه الصف
ورااحو الصف
وكاان احتيااط
وهج : وسوم انتي شسوتي
وسوم : وهج مابي اسمع صوتج
وهج : انزين انا شنو سويت
وسميه : لا والله البنت تمصخرنا وانتي ساكته وانا بروحي الي اتكلم حلوهه هذي
وهج : يعني انتي ما تعرفين تومي يمههه خزها يخرر لي خفت
وسميه : جب جب لولاي جان انتي الله يعلم شيصير فيج
وهج : حدج ثقه ، المهم تهقين ايي مدرسه بودونا
وسميه : اكيد مدرسه ..... لانها اقرب وحده
وهج : يمهه هذي فيها بنت جيرانا تقول كلها بويات
وسميه : وهج
وهج : هلا
وسميه : ما تعبتي من حالنا هذه
وهج علامه استفهام بفيسها : شلون ما فهمت ؟؟
وسميه : لا انا قصدي انتي ما مليتي من كثر ما يقولون
المعقدااات راااحو والمعقداات جووو
وهج ؛ شنسوي هذه طبع من الله
وسميه : انزين انا مليت مابي الي صار هني يتكرر اهناك
وهج : شنسوي يعني !!!
وسميه بحمااس : شفتي تومي
وهج بضيق من طاريها : وععع شفيها
وسميه : شفتني شلوون المدرسه كلها تحبها ما سألتي نفسج ليش؟؟
وهج تقول بغباء : لانها بويه طبعاً
وسميه : عليج نوووور ، اهي الوحيده البويه بالمدرسه شفتي شلون لها شلوهه ومشهوره
وهج : ان شاء الله تبينا نصير بويات
وسميه : ليش لا ، تكفين وهج مابي الي صار مني يصير مناك
خلاص انا مليت من حياتي هذي ابي اتغير
وهج : وسوم انتي شقاعده تخربطين
وسميه : انا اقول الصج نغير اشكالنا ، ياخي مو لازم انتي تصيرين بويه انا بس ترا عادي انا اصير بويه وانتي حبيبتي
وهج تفتح عيونها على الاخر : هاااااااهه
وسميه كاتمه ضحكتها : امزح امزح ، لا انا اصير بويه وانتي
صيري انوثه حتى مو شرط حبيبتي صيري صدقتي
وهج بتفكير :مااادري كيفج


عدل سابقا من قبل NNOOSH في الإثنين مارس 24, 2014 2:22 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
NNOOSH



انثى عدد الرسائل : 106
العمر : 19
الموقع : q8
العمل/الترفيه : 6alba
المزاج : Raiq
تاريخ التسجيل : 27/06/2012

مُساهمةموضوع: رد: روايه : حتى الردايا تالي الوقت شاخت / بقلمي جريئه    الإثنين مارس 24, 2014 2:15 pm

<< البارت الثالث >>

في بيت وسميه
ام وسميه ء>> نووف
نوف : وسوم حياتي فيج شي
وسميه : يمه بقولج شي
نوف : ايي يمهه قولي عادي
( وقالت لها وسميه السالفه كلها )
وسميه : يمه والله مضلومين كله من هذي البويه الله لا يوفقها
نوف : وسوم حياتي خليها ترا الضالم لهه يوم اصلاً يمكن
خيرهه من الله وخصوصاً انج ما تبين هذي المدرسه وهذه
رزق من الله
وسميه : تصدقين ايي يمه انا اصلاً ابي النقل
نوف : ووهج شصاار معاها
وسميه : بروح ابدل ملابسي وادق عليها
نوف : بسرعه علشان مابي اتغدى بروحي
وسميه : ماشي
وصعدت وسميه ولا حتى تفكر تلبس دقت سيدهه على وهج اشوفها
وسوم : الوووو
وهج بنبرهه بكي : هلا
وسوم : شفيج ؟؟
وهج : مافيني شي
وسوم : وهج اخلصي
وهج : وسوم
وسوم : عيونها
وهج بصوت فيه بكيه : امي وابوي ما عندهم فلوس يدفعون
انا شسوي المديره مارح تواافق بنقلي بدوون فلوسها
وسوم : حمد لله والله والشكر عبالي عندج سالفه يا حيواانه وانا وين رحت
وهج : شنوو ؟؟!
وسوم: يا خبلهه اصلاً انا ادري ان امج وابوج بيقولون جذي علشان جذي كلمت امي عنج وقالت اوكك بدفع لها
وهج : صج وسوم
وسوم : اايي والله ، طيب تجهزي نفسج باخذج معاي بمشواار
وهج : اوك بس متى
وسوم : اتغدى واخلص والبس وامرج يعني على الساعه 3
وهج : اوكك
__________
وجاات الساعه 3 ووسوم عند الباب
وسوم : الووو وجع وهج وينج
وهج : كاااني الحين بنزل
وسوم اوكك
ونزلت وهج واركبت السياره
واهي تقعد : الا ما قلتي لي وين بنروح
وسوم : نطري شفيج مستعجله
شوي ولا السياره صافطه عند صالون >> سيدات طبعاً
وسوم : لو سمحتي ابي قص شعر
الصالونه : ااي تفضلي
(طبعاً الصالون فاضي لان الساعه 3 )
وهج : انتي شنو تسوين
وسوم واهي تلف لوهج : نطري شوي
جت الصالونه : شنو تبيني اقصلج >> ترجموها لسوري
وسوم : ابي جذي قصهه اممم ابي بوي مدرج حيل يعني
بحيث اني اقدر اسوي سبايكي
وهج : يالمجنونه شنو تسوين
وسوم: قلت لج انطري شفيج
( وقصت شعر وسوم وصاررر عليها صااااررووخ يدوخ
اوصفهه لكم > ماكو شعرهه طول الثانيه مدرج حيل بذمه
وضمير شكلها الصالونه استانست واهي تقص الشعر
المهم مدرج حيل ومن قدااام نقزهه خفيفه واهي السبايكي
صاااار عليها جميل جميل جميل يدوخ / صكت على تومي )
بعد ما خلصوو
وسوم : هااا شرايج
وهج خاااقه وعلى الاخر : جمييييل حبيته
وسووم :يالله دورج
وهج : لا وسوم شعري عاجبني
وسوم : انزين بس تحديد
وهج : بس تحديد
وسوم : مااشي
وقصت شعر وهج تحديد
وبعد حن وزف
صبغته اشقر اشقر > الشقاار الحلو نفس الاجانب
وسوم : هااا شرايج والله ان احلا من قبل
وهج : مادري احس شكلي غلط
وسوم : والله حلووو والله حلوه
وهج : امانه وسوم لا تجامين
وسوم : والله العظيم حلووو ، انزين امشي خلينا نطلع مو
كأنه الصالون بداا يزيد
وهج : ايي امشي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
NNOOSH



انثى عدد الرسائل : 106
العمر : 19
الموقع : q8
العمل/الترفيه : 6alba
المزاج : Raiq
تاريخ التسجيل : 27/06/2012

مُساهمةموضوع: رد: روايه : حتى الردايا تالي الوقت شاخت / بقلمي جريئه    الثلاثاء مارس 25, 2014 10:16 am

الروااايه كتبتها بلغتي
الي مو فاهم ايي كلمه يكتبها لي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MrVampire



انثى عدد الرسائل : 3
المزاج : D E A D
تاريخ التسجيل : 25/03/2014

مُساهمةموضوع: رد: روايه : حتى الردايا تالي الوقت شاخت / بقلمي جريئه    الثلاثاء مارس 25, 2014 10:52 am

عجييبه البدايه تشد  Wink Very Happy 

Go Ahead Loved IT *,*!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
NNOOSH



انثى عدد الرسائل : 106
العمر : 19
الموقع : q8
العمل/الترفيه : 6alba
المزاج : Raiq
تاريخ التسجيل : 27/06/2012

مُساهمةموضوع: رد: روايه : حتى الردايا تالي الوقت شاخت / بقلمي جريئه    الثلاثاء مارس 25, 2014 1:56 pm


<< البارت الرابع >>


وسوم وهج خلصو من الصالون والسووق وارجعوا البيت

وسوم تكلم وهج بالفون
وسوم : الحمد الله شريت كل الي في خاطري
وهج : في ذمتج هذه الي في خاطرج ملابس اولاد
انتي صرتي مجنونه ترا الملابس كلها ملابس اولاد حتى
ما شريتي ولا نفنوف
وسوم : جب جب انا جذي عاجبني , الا وهج
وهج : هلا
وسوم : يا حياتي ايي شي يصير لا تعلمين احد
وهج : مثل منو ؟؟!
وسوم : مثل امي وامج وسمر >> بنتعرف على سمر بعدين
وهج : مااشي بس صدقيني تراج مو عاجبتني
وسوم كان مالها خلق تفتح موضوع مع وهج : وهج انا بنام بعدين تكلمج
وهج : اوكك بااي

_______________
نرجع لبنت الي اسمعت كل الكلام الي صار بين تومي ووهج ووسوم
<< نوره >>
نوره : الوووو شفيج انتي مو مصدقتني
نوف : نوره حبيبتي هذه شي ما يدش العقل معقوله تومي تسوي جذي واهي ما تعرف البنت الي اسمها وهج ووسميه
نوره : اييي عادي حبيبتج مشكلجيه
نوف : جب عاد ترا حبيبتي ما ارضى عليها
نوره : جبج ، المهم تكفين نوف لا تقولين اني انا قلت لج امانه
مابي الي صار بوهج ووسميه يصير فيني
نوف : واااي لهدرجه تومي تخوفكم حمد لله والشكر
نوره : حبيبتج جني اعوذ بالله ، مبين عليح انج ما تخافين منها
نوف : لا طبعاً ما اخاف انا بكلمه مني اخليها علج بحلوق الناس
وبعدين ترا تومي تخاف مني يعني لا يغرج شخصيتها بالمدرسه ترا بالبيت تترجى على تشوفني وانا كلش مو معبرتها
وعلى فكره مع اني حبيبتها الى اني صالي 3 شهور ما شفتها
نوره :: احح طلعتي مو سهله
نوف بغرور : اييي حبيبتي شعبالج انا نوف الي ابيه اجيبه ، انزين تعالي امانه دوري لي بن وهج ووسميه ابيهه ضاروري
نوره : افا عليج اجيبه لج الحين ، بدز بي سي لبنات مدرستنا
وشوفي عاد يعطوني ولا لا
نوف : اوكك دزيه على طول ، وتومي لا تدري
نوره : مااشي يالله بسكر الحين تبين شي
نوف : لا سلامتج

طبعاً اول ما صكرت نوف
كانت معاهم بنت خالت نوره
نوره : ريم !
ريم : هااا
نوره : وجعا ، سمعتيها شقالت
ريم : ايي ترا اسمع لي اذن
نوره : ابيهه ريم مو وقت برودج الحين
ريم : شدراني عنج مقعدتني من النوم علشان هذي
وويييع طع شلون تتكلم
نوره : هههههه اييي هذي ريم المهم ، بدز بي سي وانتي دزي معاي ابي بن وهج ووسميه
ريم : انزين ترا اذا لقيته بضيفها
نوره : زيين بس لا تعلمين عن ايي شي سمعتيه
ريم : اوكك ، بس ما قلتي لي ايي مدرسه حطوهم
نوره : مادري بس الظاهر مدرسه ...............
ريم : نوره !
نوره : هلا
ريم : حبيبتي هذي مدرستي انا والدلوعه الي صكرتي منها الحين
نوره علامات الصدمه بوجها: لا عاد
ريم : والله
نوره : حلووو حلووو يعني امم الوناااسه
ريم : حمد لله والشكر يالله انا بسكر تبين شي
نوره : تعالي ريم اعلم تهاني
ريم : لا ختولي
نوره : اوكك يالله بااي
ريم : باااي
__________________
في يووم جديد
وهج : الووو
وسوم : صباح الخير
وهج بصوت نعسان : صباح النور
وسوم : يالله قومي
وهج : الساعه جم
وسوم : 9 ونص
وهج : صبعاً 9 ونص في الليل
وسوم واهي تكتم ضحكتها : لا الصبح
وهج : وسوم مو من صجج شمقعدج هالحزهه
وسوم : تعالي امي بتروح اليوم المدرسه واكيد بيحطونا بالمدرسه ...........
وهج : انزين شفيج مستانسه
وسوم : ابيهه ما تتخيلين شكثر مستانسه انا المدرسه الي بروح لها فيها سمر وشلتها ، يعني الحمد الله في احد اعرفه
وهج : وسوم تكفين بنااام واذا رجعت امج دزي الي يصير بالبي بي
وسوم : اييي سدي الفون اصلاً انتي ما عندج الوناسه الي انا مستانستها
وهج : عسى دوم هالوناسه ، وباي
وسوم : اقلبي وجهج
وسدته

_____________
وسوم كانت تلبس بالملابس الي شرتهم وتصور
وكان كل صوره احلا من الثانيه وكانت الصوره جميله
وسوم قالت بحطها بالبي بي
وحطتها واكتبت Dont save
بنفس الحزه هذي نوف حبيبت تومي كانت غايبه
ونوره دازه لها بنن وسوم و وهج
وارسلت دعوه طبعاً ما قبلها الا وسوم لان نوف غايبه
نشووف شنو صار

WSOM.AlK
PING!!!
منوو؟
NONA.ALM:)
انا اسمي نوف
WSOM.AlK
عاشت الاسامي يا نوف
من وين ماخذه بني
NONA.ALM:)
من وحده
ممممم !!
انتي صورتج الي بالبكك
WSOM.AlK
ايييي ، ليش ؟؟
NONA.ALM:)
لا سمله عليج جميله
الا انتي ايي مدرسه
WSOM.AlK
كنت بمدرسه .............
بس الحين انقلوني لمدرسه ..........
NONA.ALM:)
احح ترا انا بالمدرسه هذي
WSOM.AlK
صجج ؟!
زين قلتي لي ترا ما اعرف احد
NONA.ALM:)
افا عليج انا وين رحت
الا انتي انتقلتي بروحج ولا ماج احد
WSOM.AlK
لا معااي توأم روحي
NONA.ALM:)
توأم روحج هذي نفس ستايلج >> قصدهايعني بويه مثلج
WSOM.AlK
لا اهي كيووت
NONA.ALM:)
حياااتي تصلح معااي
WSOM.AlK
ليش انتي ليدي ؟؟!
NONA.ALM:)
ليش مبين من اسلوبي بويه ؟؟!
WSOM.AlK
لا شكوو مو قصدي جذي
مجرد سؤال
NONA.ALM:)
اييي
طيب وسوم انا الحين بطلع اكلمج بعدين
WSOM.AlK
اوكك


_______________
عند نوووف الي تجذب على وسوم وتقول انها طالعه
واهي قاعده بالبيت
نوف : الوووو ركووون
ركوون ؛ هاااا
نوف : في كلام خطير وقوي بقوله
ركووون : شنووو ؟؟
نوف : اول اشبكي الشلهه كلها
ركوون : مااشي خليج على الخط ، الله يستر منج

اشبكو الشله كلها بالفون
بنت شابكه بنت
ركووون : يااجمااعه نوف بتقول سالفه خطيره يعني اكلوو تبن شوي واسكتوو
البنات : قولي ، نسمع ، غردي
نوف : في بويه جديده بتجي مدرستنا
البنات ؛ اححح ، حلوهه عاد
نوف : كلمه حلوه عليها شويهه ، اههه جمال جمال جمال
ابيها ابيها ابيها مالي شغل >> وضلت تتكلم وتقول ابيها ابيها
ركوووون : هدي بابا كل هذه علشان بنت
نوف : ركووون تعرف شنو يعني كلمه جمااال جماال
البنات ؛ زين عااد شسمها
نوف الي تخلي نفسها خاااقه ومفهيه : اسمها وسميه
البنات : حلوو اسمها وسوالف وسوالف ودشو مةبمواضيع ثانيه بس قاطعتهم نوف يووم تقول
نوف : بنااات بنااات تعرفون وسميه منوو تكون هذي ؟؟!
البنات : منو تكون ؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
NNOOSH



انثى عدد الرسائل : 106
العمر : 19
الموقع : q8
العمل/الترفيه : 6alba
المزاج : Raiq
تاريخ التسجيل : 27/06/2012

مُساهمةموضوع: رد: روايه : حتى الردايا تالي الوقت شاخت / بقلمي جريئه    الثلاثاء مارس 25, 2014 1:57 pm

MrVampire كتب:
عجييبه البدايه تشد  Wink Very Happy 

Go Ahead Loved IT *,*!
بعد قلبي تسلمين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
NNOOSH



انثى عدد الرسائل : 106
العمر : 19
الموقع : q8
العمل/الترفيه : 6alba
المزاج : Raiq
تاريخ التسجيل : 27/06/2012

مُساهمةموضوع: رد: روايه : حتى الردايا تالي الوقت شاخت / بقلمي جريئه    الأربعاء مارس 26, 2014 7:59 am

<< البارت الخاااامس >>


نوف : هذي عدوة تومي
ركوون : انتي شلون تخلين حبيبتج وتروحين لهذي
وكان راي البنات : صج ما عندج سالفه ، ترا تومي حلوه ، حاصلج تومي عاد ، وحده تحبج وماتبينها ، يمكن وسميه هذي الي تقولين عنها ما تحبج ، انتي شفتيها
نوف خلت كل الاسئله هذي وردت على سؤال واحد
نوف : ايي شفتها اهوو جماال اهوو طول جميله جميله
وااي بناات اسكتو والله ببجي من الحره ابيها
ركوون : خلاص لا تحنين ضبطيها
نوف : قولوا والله تضبطونها لي
ركوون : والله العظيم ما تروح لغيرج
البنات : ابشري ، اعتبري صار ، جم نوف عندنا

( وبدوا يخططون ويضحكوون ويتطنزون ويحشون )

______________
نروح عند وسميه
وسميه كانت زايره وهج
وسميه : وين وهج
ميري : وهج فوق انا الحين ينادي
وسميه : لا لا انا بروح فوق
ميري : لا انتي ما يروح فوق انا ينادي > ميري كانت خايفه من شكل وسميه الي كأنها ولد
وسميه كانت لابسه شورت ابيض وتيشرت كحلي والشوز هم كحلي ونظاره طبيه بيضه
وكااان شكلها جميل كنها ولد
وسميه تدز ميري : روحي زين
وتروح فوق
لقت وهج توها تطلع من الحمام (( اكرمكم الله ))
وهج شافت وسميه قدامها واخترعت
وهج : يمهه خرعتيني
وسميه الي كانت خاقه على وهج الي لابسه بجامه عباره
عن شورت وبدي والشورت كااان حيل قصير ولونه الفوشي
والبدي كان اسود وفيه خطين فوشي بالطول كاانت نااار
وسميه : سمله عليه
وهج نزلت راسها : ابدل واطلع لج
وسميه : اقول اقعدي بس تستحين مني لا تخافين اصلاً بكلمج جم كلمه واروح
وهج : شنو الكلام الي بتقولينه
وسميه : ان شاء الله ما تعاقبيني باني اتكلم وانا واقفه
وهج : ههههه لا تعالي دااخل غرفتي علشان اقدر انتكلم
وسميه : مااشي

ودشوو دااخل الغرفه
وسميه : وهج ترا الدواام بيبلش بعد يومين
وهج : زين ايي صف حطوني
وسميه : والله مادري
وهج : امانه وسوم نبي مع بعض
وسميه : اييي اكيد مع بعض مارح نتفرق ، طيب وهج معااي هديه
وهج : شنوو ؟!
وسوم : ثواني بروح تحت بجيبتها
وهج : لحضه بروح معاج
وسوم : ليش ؟؟
وهج : شكلها الهديه كبيره
وسوم : اقعدي بس الهديه عباره عن صندق صغير
وهج : انطرج انا اوكك
وسوم واهي تقووم : اووك

ونزلت وسوم
وهج غيرت لبسها لان مو عجبتها نظرات وسوم لها

جات وسوم معاها صندوق مستطيل كبير مغلف وشكله حلوو
وسوم : كاااا هذي الهديه شراايج فيها
وهج واهي تاخذ الهديه ومستانسه : ياااي شكلها حلو ، بس
تعالي شالمناسبه
وسوم : جذي مافي مناسبه ولا شي انتي صديقتي لازم اذكرج
وهج : ثاااااانكككسس وسوم احبج
وتفتح الهديه

الهديه عباره عن
( صندوق مغلف اذا فتحته فيه < اكسسورات للشعر والواان واشكال
والصندوق فيه طاابق ثاني الي اهو فيه { استريت ، التكسير،
وغيره اجهزه للشعر ......... } > )

وسوم : هاا شرايج ، هذه بدال كل يوم استريت غيري حطي
حركات بشعرج شي
وهج : تسلمين وسوووم حيااتي كلفتي على نفسج
وسوم : ما كلفت ولا شي ، يالله انا بمشى واول يووم
العبي بشعرج سوي حركات ابيج تطلعين اجمل البنات
وهج واهي تضحك : هههه اوكك

وطلعت وسوم
وقعدت وهج تلعب بشعرها وتصور وكانت مستانسه
وتدز لوسوم صورها ووسوم عطتها عرض بالبي بي

NONA.ALM:)
PING!!!
منو الي بالبكك
WSOM.AlK
هذي وهج توأم روحي
NONA.ALM:)
هذي الي تقولين الي بتجي معااج بالمدرسه
WSOM.AlK
اييييي
جميله موو
NONA.ALM:)
اييي حدها كيووت
الا متى بتداومين
WSOM.AlK
ان شاء الله بعد يومين
NONA.ALM:)
عاد سويت دعايه لج
المدرسه كلها درت انج بتجين
WSOM.AlK
ههههههههه
جان خليتيها مفاجأه
NONA.ALM:)
ههههههههه
ما قدرت امسك نفسي
WSOM.AlK
عاد مدحتيني
NONA.ALM:)
ايي افا عليج

___________
بالوقت هذه نوف احفظت صوره وهج
ودزته لركان
NONA.ALM:)
PING!!!
R.SH
هاا
NONA.ALM:)
وجعاا شفتي الصوره الي دزيتها لج
R.SH
اييي شفيها
NONA.ALM:)
شرايج بالبنت
R.SH
ليش هذي مو انتي
NONA.ALM:)
انتي شقد غبيه
هذي بنت الي مع وسميه
بضبطها لج
اذا ضبطتيني مع وسميه بضبط هذي لج
R.SH
والله شكلها حلو
طيب شالمطلوب مني
NONA.ALM:)
انا اقولج انتي رافجي وسميه
وانا برافج وهج هذي رفيجتها
وضبطيني عند وسميه وانا بضبطج عند وهج
R.SH
اوكك اتفقنا

________________
ومر اليومين بسرعه
ووهج ووسميه ما قدروا ينامون
وهج قامت من فراشها
الساعه 4 الفجر
وقالت بتسوي شعرها
وسوت شعرها تكسير
ولبست نظاره ريباان على المريول المخصر
وكاان شكلها جمييييييل

اما وسوم
قاامت من الساعه 3
سوت شعرها سبايكي
ولبست نظاره وعلى مريولها
وراحت كلمت وهج لان تدري ان وهج مو نااايمه ولا راح تنام

وسميه : الوووو
وهج : هلا
وسميه : قااعده
وهج : وانا اقدر انام
وسميه : ايي والله حتى انا ما نمت
وهج : وسوم امانه بدز لج صورتي قولي لي راايج
امانه ما تجاملين
وسميه : دزي

ودزت وهج صورتها
وسميه : يا حيوااانه شمسويه بوجههج
وهج : ليش مو حلوو ؟؟!
وسميه : لا طبعا الا جميله وجميله تهبلين
وهج : قولي والله
وسميه : والله
وهج : زيين ، ترا سمر قاعده ويت ادق عليها واشبكها معانا
وسميه : زين
وشبكت وهج سمر

خلونا نتكلم عن سمر شوي
سمر بنت ملامحها وتصرفاتها تجذب الواحد
مصرقعه مافيها عقل تحب تونس نفسها ما يهمها الحب
كل يوم مطيحه بالاداره ، مجننه الابلات ، خبله بمعنى الكلمه
وماترضى على وهج وكانت داايم تقول لوهج تعالي مدرستي
واهي مع وسوم حيل واهي جيراان وهج وداايم عندهم
اوصفها ( سمره شوي عيونها وااسعه وكل البنات يقولون
احلا ما فيج عيونج و شفايفها صغيره مو ضعيفه حيل بس
مليانه شوي بس ما ينقال لها متينه)
سمر : الووو
وهج : هلا والله
سمر : هلا فيج ، منو معانا؟!
وسميه : في غيري يعني
سمر: ارحبي وسوم ، اخبارج
وسميه : تمام والله وانتي
سمر : انا تمام
وسميه : ابشرج
سمر : بشنو ؟؟
وسميه : اليوم بندااوم انا ووهج بمدرستكم
سمر : لا عاااد ؟!
وهج : ليش ما تبينا
سمر : اخسي والله الا ابيكم عيل مروني اليوم بروح معاكم
وهج : بدينااا مو
وسميه : مو كأنج بتقزرينها علينا
سمر : اكلوا تبن انتي وياها اروح معاااكم علشان اعرفكم
على رفايجي
وسميه : خلاص 7 انا عند الباب 7 ودقيقه ناازله معاي نعاال
سمر : طيب الحين الساعه جم
وهج : الحيييين اممم الساعه 5 ونص الفجر
سمر : انا شمقعدني هالحزه
وهج : ليش متى قمتي من النوم
سمر : للامانه انا بالاساس ما اذكر اذا نمت
انا اذكر اني كنت اشوف فلم وكاا ولين الحين ما خلص
وهج : يعني بتروحين المدرسه مواااصله
سمر : اييي عادي انام بالصف
وسميه : ما تزفج الابله
سمر: يوووهه نسيت انكم من شله مصطفى ومرسي
وسميه : وهج مو كأنها سبتنا
وهج : مااادري

وقعدو يسولوفون لين جاات الساعه 6 ونص
وسمر صكرته تبي تلبس ملابس المدرسه
ووهج قالت بسكر علشان بريق ووسوم سكرته تبي
تتريق بعد



______________
عند نووف الي من اول ما قعدت
واهي تسوي شعرها والمكيااج وتلعب بوجها
وتتكلم بالوفون وحاطه تكبير للصوت
ركوون : تخيلي تسحب وما تدااوم ، ياا اني بمووت
من الضحك
نووف : اركااان لا احبطين >> ركوون ترا اهي اسمها اركان
ركون : داام نديتيني اركان يعني معصبه
نوف : تخيلي ركون ما تدااوم وانا كاااشخه على الاخر
العن وربي لصكها دليت
ركون : المهم وجهج وجهه الي بيجي المدرسه متأخر
نوف الي صارخت : لا اول الناس انا
ركون : يعني شنوو ؟؟
نووف : الحين الساعه جم ؟؟!
ركون : الساعه 7 الا ربع
نوف : يالله انا بمشي الحين لان حيل تأخرت
ركون : هيه بنت ، الساعه ما صارت سبع وبتمشين الحين
انتي صاااحيه فيج شي انا الي اهي انا ما قمت من فرااشي
نوف : انتي عمرج حضرتي الحصه الاولى كاامله
ركون : لا
نوف : يااخي انتي داايم متأخره ما ذنبي ، يالله انا الحين
بصكر بااي
ركون : باااي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MrVampire



انثى عدد الرسائل : 3
المزاج : D E A D
تاريخ التسجيل : 25/03/2014

مُساهمةموضوع: ;p    الخميس مارس 27, 2014 12:52 pm

يعطيج العافيه ، عجييبه الروايه كملي لا توقفين ;p  Shocked What a Face 
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MrVampire



انثى عدد الرسائل : 3
المزاج : D E A D
تاريخ التسجيل : 25/03/2014

مُساهمةموضوع: ;p    الخميس مارس 27, 2014 12:53 pm

يعطيج العافيه ، عجييبه الروايه كملي لا توقفين ;p  Shocked What a Face
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Mryooma



انثى عدد الرسائل : 1
تاريخ التسجيل : 15/03/2014

مُساهمةموضوع: رد: روايه : حتى الردايا تالي الوقت شاخت / بقلمي جريئه    الأربعاء أبريل 23, 2014 6:45 am

كملي الرواية بليز
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
روايه : حتى الردايا تالي الوقت شاخت / بقلمي جريئه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى بويه :: القسم الأدبـي :: القصص والروايات-
انتقل الى: