منتــدى بــويـــه
 
الرئيسيةس .و .جبحـثقائمة الاعضاءالمجموعاتالتسجيلدخول

شاطر | 
 

 ذهبت انوثتتي واسترجعتها قصة قصيرة لتوبتة بنت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Blacko



انثى عدد الرسائل : 250
العمر : 17
الموقع : دار بن ثاني
العمل/الترفيه : نايم بالحصص
المزاج : مش محدد
تاريخ التسجيل : 10/06/2012

مُساهمةموضوع: ذهبت انوثتتي واسترجعتها قصة قصيرة لتوبتة بنت    الأربعاء أكتوبر 24, 2012 3:59 am

ذهبت انوثتي واسترجعتها


تحكي فتاه قصتها فتقول
انا فتاه لا ازال في شبابي انا في الخامس والعشرين من عمر
سأخبركم بقصتي :

العاميه ؛:

اسمي سارة وعمري خمس وعشرين سنه خلصت الجامعه وقاعده ادور لي وظيفه

في الابتدائي كنت عاديه ولا لي خص في حد تكرر هالشي في اعدادي او مثل مايسمونه بعض الدول المتوسط

دخلت الثانوي وشفت تغير كبير

شفت عالم كنت ما اشوفه من قبل
عالم كله رجال مافيه ولا بنت

لاحظت بنت كل يوم تتهزء عند الاداره

عرفت من الاداريه اسمها شيماء

وكنت اراقبها واراقب تصرفاتها وبعدها عرفت انها
مسترجله

ماكنت حاسه بنفسي

كنت اتمشى واقلدها بالمشيه

قصيت شعري نفسها

بديت اشطب حواجبي

البس لبس وسيع

كنت اشوف نفسي عاديه

سألت بويه وقلت لها انتي بنت ولا ولد لانه شكلها ماكان يسمح انها تكون بنت

قالت لي انا ولد محبوس في جسم بنيه
وابتسمت ابتسامه صفرا وراحت عني

ماعرفت شتفصد بس عادي مشيت الموضوع

انجذبت لحركات شيماء ولحركات الباقي

فجأه سمعت رفيجة شيماء تناديها

شاهين تعال

انصدمت معقوووله شيماء ولد
قلتها بصوت مسموع قالتلي بنت وراي هاذذا وانت بويه ماتدري انه البويات يسموون اسامي اولاد
وراحت عني وضربت كتفي
انا رحت الصف وقلت بويه يعني شنو اللي فيني خلاها تقول بويه
لاحضو اني ماحسيت اني تغيرت
طلعت ورحت الحمام وطالعت نفسي بالمنظره
استغربت من شكلي كان غير واول مره الاحظ
حاولت ارد على طبيعتي بس خلاص تعودت
ضعف ايماني ذاك الوقت خلاني احط فكره في راسي اني ماقدر اتغير فليش ما ازيد
السالفه خربانه خربانه
طلعت من الحمام وخلصنا الدوام رجعت البيت قعدت اتعرف على بويات اروح حفلات
كلها مسترجلات
صرت بويه بحت
شعري صار اقصر من شعر ابوي
محد حاول ينصحني او يعدلني وكنت استمر
في هالشي
طالعت نفسي مره بالمنظره وكااان عاجبني شكلي
كانو ينادوني سعد
قلت لنفسي سعود انت تخقق وخلك على جذي
صرت ثقيله وصرت بدون حتى ذرة انوثه
صرت رجال يتمشى
احيانا البس ثوب
صوتي كنت اصارخ وايد عشان يصير فيه بحه وكنت ادفشه لين صار دفش بروحه
شفايفي اللي الكل يموت عليه منتفخه وورديه تحولت بنفسجيه
تحت عيني هالات سوده من كثر السههر بالمعاصي والخمر اللي كنا نشربه
كنت ادير مواقع وشاتات كلها معاصي
لين في يوم كنت قاعده بالمدرسه ودخلت علينا بنت يديده كانت بعبايتها وشيلتها قالت السلام عليكم
وكان اسمها ريم عرفت ع نفسها وقالت لها الابله تقعد يمي
وابتسمت في وجهي طالعتها بنظره ولفيت وجهي ع دفتري وكملت رسم
قالت لي كيفج لاتردين الابتسامه بس انتي خسرتي اجر
ترا الابتسامه وجه اخيك صدقه
كنت برد بس طق الجرس وقمت بسرعه عشان الفرصه بدت
كانت ريم شاطره وكل بريك صلاه تصلي واشوووفها وايد مع ربها
ارتحت لها صارت اذا ابتسمت ابتسم اذا سلمت اسلم
لين صرنا قراب من بعض وبدت تتكلم معاي كل يوم عن شكلي كنت اتنرفز بس تراضيني هي
سألتني يوم انتي ليش بويه
ابتسمت وطالعتها وقلت لها سالفتي مع شيماء
سألتني شسمها شيماء شنو واي مدرسة كانت
قلت لها قالت لي تدرين انها تابت وتوفت بعد توبتها بأسبوع
سألتها وانتي شدرااج وكنت مصدومه
قالتلي اهيا بنت خالي وهي كانت بووويه اثر اغتصاب عمها لها ولما قالت حق اخوها عصب وقالها انتي ولد يعني عادي
وعلقت الفكره في راسها عقبها شفتها مره وكلمتها وقلت لها انتي بنت وجذي وتميت احاول فيها وكانت ترفض التوبه
لين صادها سرطان بالمخ ونصحتها تكون قريبه من ربها
صارت قريبه من ربها وتابت كانت تصوم معنه مب زين لها. و كانت قريييييبه وايد من ربها لين ما فجأه وهي تصلي سجدت وهي ساجده طولت دخلت عليها اختها تناديها وشافتها طولت بالسجده حركتها شوي لقت البنت ميته
طاحت شيماء ع الارض وتوفت جذي
انا من سمعت قصتها بديت اصييييح صياااح غير طبيعي
تذكرت كل شي سويته بالتفصيل خلال ثواني بس
ومن يومها وانا احاول اتغير تغيرررت وااااايد صرت بنت بكامل انوثتي وصرت كل ماشوف بويه اعطيها ورقه مكتوب فيها كل شي سوييته قبل وقصة شيماء

دخلت الجامعه وتميت انصح البنات لين طلعت منها والحمدلله
انا وريم الحين ندور لنا وظايف وريم صارت داعيه مثل ماكانت تبي واللي يشوفني الحين مايتوقع اني في يوم كنت بويه او حتى على زلة غلط

شيماء اخذت انوثتي مني وهي بنفسها رجعتها

وانا اللي ساعدتها تاخذها لاني انا اللي قلدتها وانا اللي رجعتها لااني بعد سالفة شيماء تبت

فكري يا اختي البويه شوي وانا مابي اعيد الكلام اللي يقولونه لج دايماً

لانه الكلام اللي يتكرر وايد مايصير له اهميه بعدين

بس اقولج شي واحد حطيه في بالج

حاسبي تراج مجرد انساااان

شكراً ميرة ال اسحاق على سرد القصه وكتابتها
سارة بنت عبدالرحمان
ريم بننت عبدالمحسن

اتمنى النشر

ربي اغفر لشيماء وارحمها واسكنها جنة الفردووس يارب ال
عالمين

تمت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
renad



انثى عدد الرسائل : 82
تاريخ التسجيل : 06/09/2012

مُساهمةموضوع: رد: ذهبت انوثتتي واسترجعتها قصة قصيرة لتوبتة بنت    الأربعاء أكتوبر 24, 2012 4:15 am

ججزاكك الله خخير ولا انحرمتي من الاأججر ي ققلبي..
والله يحسسن خاتمنا ويااآك..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
قلبي صويب



انثى عدد الرسائل : 320
العمل/الترفيه : عند المرايه اتأمل جمالي
تاريخ التسجيل : 30/09/2012

مُساهمةموضوع: رد: ذهبت انوثتتي واسترجعتها قصة قصيرة لتوبتة بنت    الأربعاء أكتوبر 24, 2012 4:34 am

renad كتب:
ججزاكك الله خخير ولا انحرمتي من الاأججر ي ققلبي..
والله يحسسن خاتمنا ويااآك..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ذهبت انوثتتي واسترجعتها قصة قصيرة لتوبتة بنت
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى بويه :: القسم الأدبـي :: القصص والروايات-
انتقل الى: