منتــدى بــويـــه
 
الرئيسيةس .و .جبحـثقائمة الاعضاءالمجموعاتالتسجيلدخول

شاطر | 
 

 رواية همس الموت | Whisper death

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4, 5  الصفحة التالية
كاتب الموضوعرسالة
لهفة شوق♥



انثى عدد الرسائل : 181
العمر : 25
الموقع : جدة
تاريخ التسجيل : 03/09/2012

مُساهمةموضوع: رد: رواية همس الموت | Whisper death    الخميس نوفمبر 01, 2012 5:38 pm

استمررري البارتي حده حماااس
محيرني مين الاي ساعد بدور
وعلي ان شا الله يقدريساعد شهرزاد وفجر
وبنتظارك غلا وانتبهي توقفين الروايه. بجد حلوووه..

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
رسمتك حلم



انثى عدد الرسائل : 224
الموقع : تبـــوكــ الوورد
العمل/الترفيه : طالــبه جـامعيهـ
تاريخ التسجيل : 11/01/2012

مُساهمةموضوع: رد: رواية همس الموت | Whisper death    الخميس نوفمبر 01, 2012 7:13 pm

تسلم اناملك ع البارت النايس

كمممممممممممملي ابداعك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Miss Helen



انثى عدد الرسائل : 152
الموقع : في عالم أحلامي
العمل/الترفيه : طالبة
تاريخ التسجيل : 19/10/2012

مُساهمةموضوع: رد: رواية همس الموت | Whisper death    الجمعة نوفمبر 02, 2012 4:02 am

بانتظار البارت الجاي لا تطولين I love you Like a Star @ heaven Like a Star @ heaven Like a Star @ heaven Like a Star @ heaven
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ASOOMY.M ♔



انثى عدد الرسائل : 586
الموقع : qatar
العمل/الترفيه : طالبة
تاريخ التسجيل : 25/07/2012

مُساهمةموضوع: رد: رواية همس الموت | Whisper death    الجمعة نوفمبر 02, 2012 4:58 am

Al-Queen ??? كتب:
.


مثلل ماا قلت انتي مبددعه
بس شااغل باالي اللي سااعد بدوور
فججر. زكمت نفس حاالتي Sad
يلاا ان شاالله تطييب قبل المبااراه

قلبي انتظررتس

فديتج قلبي
امم راح تنصدمون اذا عرفتو من ساعد بدور silent
الحمدالله على السلامة حياتي drunken


عدل سابقا من قبل بــرائــة مراهقــــة في السبت نوفمبر 03, 2012 5:01 am عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ASOOMY.M ♔



انثى عدد الرسائل : 586
الموقع : qatar
العمل/الترفيه : طالبة
تاريخ التسجيل : 25/07/2012

مُساهمةموضوع: رد: رواية همس الموت | Whisper death    الجمعة نوفمبر 02, 2012 4:58 am

لهفة شوق♥ كتب:
استمررري البارتي حده حماااس
محيرني مين الاي ساعد بدور
وعلي ان شا الله يقدريساعد شهرزاد وفجر
وبنتظارك غلا وانتبهي توقفين الروايه. بجد حلوووه..


نورتي حياتي
اتمنى دووم اجوف ردوردج drunken
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ASOOMY.M ♔



انثى عدد الرسائل : 586
الموقع : qatar
العمل/الترفيه : طالبة
تاريخ التسجيل : 25/07/2012

مُساهمةموضوع: رد: رواية همس الموت | Whisper death    الجمعة نوفمبر 02, 2012 4:59 am

Miss Helen كتب:
بانتظار البارت الجاي لا تطولين I love you Like a Star @ heaven Like a Star @ heaven Like a Star @ heaven Like a Star @ heaven

نورتي روحي
انشاءالله مااطول عليكم I love you
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ASOOMY.M ♔



انثى عدد الرسائل : 586
الموقع : qatar
العمل/الترفيه : طالبة
تاريخ التسجيل : 25/07/2012

مُساهمةموضوع: رد: رواية همس الموت | Whisper death    الجمعة نوفمبر 02, 2012 5:00 am

رسمتك حلم كتب:
تسلم اناملك ع البارت النايس

كمممممممممممملي ابداعك

الله يسلمج
من عيوني
نورتي يالغلا I love you
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
رسمتك حلم



انثى عدد الرسائل : 224
الموقع : تبـــوكــ الوورد
العمل/الترفيه : طالــبه جـامعيهـ
تاريخ التسجيل : 11/01/2012

مُساهمةموضوع: رد: رواية همس الموت | Whisper death    الجمعة نوفمبر 02, 2012 11:15 pm

نتظرك حياتو Basketball
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ASOOMY.M ♔



انثى عدد الرسائل : 586
الموقع : qatar
العمل/الترفيه : طالبة
تاريخ التسجيل : 25/07/2012

مُساهمةموضوع: رد: رواية همس الموت | Whisper death    السبت نوفمبر 03, 2012 5:02 am

دقايق وينزل البارت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ASOOMY.M ♔



انثى عدد الرسائل : 586
الموقع : qatar
العمل/الترفيه : طالبة
تاريخ التسجيل : 25/07/2012

مُساهمةموضوع: رد: رواية همس الموت | Whisper death    السبت نوفمبر 03, 2012 5:53 am

~| البارت الرابع عشر|~



\



علـــي


،


فـ هاللحظة..قلبــي طاح فـ بطني..تصنمت ف مكاني...تجمدت اطرافي..!

ابــي احرك ريولي..بس ما تتحرك..!

وصوت الخطوات..تقترب ..وتقترب..

بس فجأة وقفت الخطوات..

هنــي استغليت الفرصة..هالثواني ممكن تنقذ حيآتي..!

التفت صوب الدريشة...وبسرعه بطلتها بخفة وبدون صوت..وظهرت منها..

وعقب بندتها بهدوء..

وقبل ما اتحرك..شفت ليت الغرفة يتبطل..

وقفت عدال الدريشة..وطالعت داخل..بشوف منو هذا..؟

توقعته المدير إبــراهيم... بس طلع الكابتن يوسف...!

شوي سوي هنــي ف هالوقت.؟

طآلع الباب المفتوح بنظرات استغراب وبنفس الوقت شكّ..؟

شفته يدور بنظراته ع الغرفة يتفحصها..

تعلقت عينه ع شي في الارض..حاولت اشوفه ..ماقدرت..

اقترب من الشي اللي يطالعه....دقّ قلبــي بقووة..يمكن شي طاح مني..

نزل واخذه.....وطلعت ورقة..!

خفـــت..انا كنت ادّور بين الاوراق بحرص..ورديت كل ورقة مكانها..هاي من وين يت.؟

طالعت في الاوراق اللي بايدي..هاالاوراق المشفرة اللي ما قدرت افهم منهم شي..

مادري ليش خذيتهم...بس احساسي يقول ان هالاوراق مهمة..!

لايكون طاحت وحدة من هالاوراق مني.؟

رديت اطالعه..شفته يرمس في التلفون..

حاولت اسمع شو يقول....

شكله يكلم المدير إبـــراهيم..!


كآبتن يوسف : انت متأكد انك قفلت الباب.؟.....اها " حك ذقنه بايده " مممم...عيل في جد اقتحم هالغرفة..!...هيه...الباب مفتووح..وغيره..لقيت ورقة طايحة..

وو " شفته يقّرب من الدريشة ..بعدت بسرعه وانخشيت ورا الشجرة القريبة ..بطّل الدريشة " و الدريشة مفتوحة بعد....هيه اقولك متاكد ....الورقة..؟! مممم الورقة جزء من خطة الفريق........................ ممم..اتوقع حد من الفرق الثانية تسلل يبون يعرفون خطتنا..!

" ابتسم باستهزاء " نآآس تافهه............هيه لازم نحذر..الاوراق السرية وخاصة اللي عن المنظمة ما نحطها هنــي....تطمن انا اوراقي فـ أماان..


شفته يبند الدريشة..وبعده يكلم...عقبها بند تلفونه..شفته راح صوب المكتبة الصغيرة اللي في الزاوية..

بطلها..وقعد يدّور بين الرفوف..

عقب شفته خذ شي....حاولت اشوف شو هو...لمحته...شكله شريط دواء..؟!

ماهتميت...

على طول ظهرت من النادي نفس ما دخلت.....وبسرعه...رحت صوب سيارتي..

التفت يمين ويسار..اتاكد اذا كنت مراقب او لا..!

وركبت سيارتي..و بسرعه توجهت لبيتنا..

،

وصلت بيتنا....نزلت..دخلت داخل..كنت ابي اسير على طول غرفتي..ابا اهدي اعصابي المشدوودة لين الحينة..

بس ف طريقي شفت عمتي وحنان اللي تطالع تلفزيون..

سلمت عليهم..

شفتهم يطالعوني بنظرات استغراب...

شكلي نوعن ما ..مبهدل..غير ملامح ويهي اللي يبين اني سويت شي..

طنشت نظراتهم...وبسرعه طلعت فوق...وع غرفتي..


عقيت الاوراق ع الطاولة.....فريييت عمري ع السرير..

واخيـــــــرن تنهدت برآآآحه....حطيت ايدي ع قلبـــي....هههه بعده يدق بقوة..

لا تغّــركم الشجاعة اللي قبل شوي...ترا من دآآخلي كنت ميت من الرعب..وخاصة وانا فـ السيارة..كنت اتخيل كابتن يوسف يلحقـــني..!


قعدت بحمآآس..


بس بعــــد...كآآن أكشِنْ من الخآآطر..احم..كنت بين الحيآآة والموت...ههه..وايد قاص ع عمري..

طالعت فـ الاوراق اللي يبتها..

تحولت نظراتي لجدّ.....الا الاكشن الحينة بيبدا...!!

نقزت من السرير..و خذيت الاوراق.....طالعت في الورقة اللي حصلتها معاهم..واللي ممكن تساعدني في فكّ الشفرة...

ابتسمــت بنصر..

وو...بديت شغلي احاول افكّ الشفرآآت..!


\



فجــــر..


،


بطلت عيوني ع صوت الباب يتبند....

شكله احد دخل...او كان موجود وظهر......منو هذا.؟


المكآآن مظلّم...مســــــرع ما مرّ الوقت..! تَونآ كنا فـ الظهر..؟!

شكْلـــي وآآيد رقدت..!!

تحسست يبهتـــي...حآآآرة....يتنــــي حمّــــى....>.<..

ظغطت ع رآآســي..احااول اخفف ألَــــمْ الصُـــدآع..

بــــسْ ....

كَأنّـــي ألمــح طِيـــف حد جدآآمي..؟

اشتغَل اللّيت....غمّضـــت عينــي من الضّــوء..

بطّلتهــــآ تدريجيَاً..

تفآجأت بكآبتن يوسف...!! اصلن من يومه وهو يفآجأني..مادري من وين يطلع..

بلعت ريجــي بصعوبة...

مادري الحينة..هذا شو يبا منّـــي.؟

بروحــي تعبآآآآنة...واحس بضعف شديــــد فـ جسمـــي...وآخر واحد اتمنى اشوفه الحينة..هو..!

طآآلعنـــي بنظرآته الغريبة..

تدرون شو خاطري اسوي الحينة..؟ خآآطري اصيح...مادري ...بس ابي اصييح واصييح واصييح لين اظهر كل اللي فـ خآآآطري..

وكل ما اشوفه..اييني هالشعور..

علــي دوم يقولي..لا تبينين له انج ضعيفة..انتي تقدرين توقفين فـ ويهه..

بس انا احاول ابين اني ما اخاف منه..!!

الحينة ليش ياي هو.؟ يبآ يضربنــي ويعذبنــي اكيــــد..!

بس هو قآلي ارد البيت..!

ما تسوى عليّ هالتمارين اللي طوفتها..

اففف..

طآلعته وانا احاول اخفي نظرة الانكسار ....

عيوني كانت تحرقني وتدمع من التعب والحمّـــى والزجآآم..


قلت بصوت تعبآآن : أدري انّـك يآي تعآآقبني ....عسب التآخيــر..وو ع التدريبآت اللي ما كملتها....و بس " كنت بقوله انت اللي قلتلي ارد يعني ما يخصني شفته رفع حواجبه ويطالعني ... كملت بقهر ليش ابرر له " خلآآآص تفضّــل اضْربـــني..كفّخنـــي.....اذْبَحْنــــي....وفكّنــ ــــــــي منك...


شفته يميّــل شفآيفه باستهزاء.....اقترب من الطاوْلة القريبة منّـــي..

وحطّ عليها...دوآآ..؟!!

دوآآآآآ..؟!!!


قال بهدوء : هالحبوب تآكلينهآ الحينة....

قلت باستغراب : حبوب شو.؟

قال : هاي بتسآعدج عسب تقدرين تلعبين فـ مبآراة بآآجر..

تمّ يتكلم ع الدوآ.........وانا...ع راسي >> ؟؟؟؟!

لآآآ.....هذا كابتن يوسف..؟ لالا مستحيـــل...ابدن مب طبيعيـــي...!

يعني مب يآآي يضْربنـــــي..؟

شو الطيبة اللي نزلت عليه اليوم...؟!


شفته يتحرك بيظهر....وقف عند باب الغرفة....

حط ايده فـ جيب بنطلونه...

وبدون ما يطالعني قال : ع فكرة انا اذا قلت شي مستحيـــل أرد فـ كلامي..!

وظهر..


قعدت افكّــر بكلامه...؟ شوو يقصد.؟

اذا قال شي مستحيل يرد فـ كلامه..؟ هه صدقته..اكبر نذل على وجه الكرة الارضية هو..

..

لايكون عسب يوم قالي ارد البيت وسآمحني ع التدريبات اللي فآتتني..والحينة بينت له انه جذآب وانه ياي عسب يضربني..؟ وما صدقته..

..

اما هذا يوسف انسآآن غـــريييب.!

طنشت أفكـــآري..وقمت بكســــل شديــــــــد....صليت الصلوات اللي فآتتني..وسويت لي ساندويجة..مع انه مالي نفس آكل اي شي...بس عسب آكل الدوا عقب..


بعد ما خلصت نص الساندويجة..سرت غرفتي...وطالعت في الحبوب اللي عطآآني..كبسولاات شكلها غريب....بس بلعتهــــا..

ورديت أرقـــــــــــــد..


\


شهــــرزآد


،


حَيــآآتــــي تَحولَـــــتْ لِجحيـــم لا يُطآآق...!! في أقل من يومين.!

صِرت شرآت الدمية يحّركهــــآ سليمآن...

واللّـــي كل ما حسّ اني برفض له طلب هدّدني بإخوآنـــي..!

أحيـــآننْ أفكّــر أقوله اقتلهم..اذبحهم..عآآدي عندي...!

تَــرآك ذبحت اللّـــي أغلى عنهم...وعقبها اقتلنـــي....مآآيهمنــي أي شي..!

آآه...بــسْ قَلْبــــي مآ يطآوعنــي اقوله..

أخوآآنـــي يهّـآآل..مآ يستآآهلون اللّــي يصير لهم..

ومستحيل اتحمّل لو يصيدهم شي من هالحقيــر..

هُــم أمــآنة فـ رقبتــي الحينة..


،


الحينة يالسة اسجّــل أُلبـــوم يديـــد.....لا ومع منو..مع سعيدوه الكــريه..

مآ صدّقــت انّــي فآقت ويهه هذيج الفترة..والحينة ردّ...


صآآرت فترة شغلي ليــــل ونهـــآر..أخلّص من هالحفلة..اروح الاستديو اسجّل..وعقب ما اخلص نروح حفلة ثآآنية..

طبعن كلّــه من سليمآن اللي يبآ ينتقم منــي..ويعّوض الايآم اللّــي فآتت..

غيـــر الحرآآآسة المشددة اللي مسويها عليّ..!!

حآولت مرة اسير شغلــي في الاوقآف..بس ابي اقولهم اني ماقدر اشتغل عندهم..

مآقدرت...بس بحآول مرة ثانية..


،


انتهــينا من تسجيل الاغنيــة..واتفّقــوا نكمّــل بآجر..

قعدت بتعب..

شويّــه وشفت سعيد ياي صوبي وبايده غرشتين ماي..مدلي وحدة منهم..

كنت برفضها لكن نظرآت سليمان كانت لي بالمرصآد..

خذتها منه بعد ما شكرته ببرود..

عقبها قعد ع الكرســي اللي عدآلي..

فتَح موآآضيع وآآيد يحاول يسولف معآآي...

وانا مآسكة اعصآآبي منه..

وارد عليه بإجآبآت مختصرة...وابتسآمة مجآملة ما تفآرقني..


،


وبعد هاليوم الشآآآآآق..اخيرن رديت البيت..

عقييت عمري ع السريـــر بتعب...

ســـرحت....يت فـ بآلي فجـــر.....شو صآآر معها.؟

وهي الحينة بخير او لا.؟ ولا يوسف وابراهيم بعدهم يبهدلونها.؟

وعلــــي....! اخبآآره....." ابتسمت بألم " اكيــــد الحينة معصب مني..!

"تنهدت" بس لو صار هالموقف وياه...اكيد بيعذرني..


اشتقت لهم والله..

ابــي اوصل لهم بس ما اقدر.....آآخ بس لو ما نسيت تلفوني..

ابا اطمن عليهم..

طول هاليومين وانا قلبــي بيوقف من الخوف..

خآيفة لو ان علــي تهّور ووصل هنــي.!

وهو يعرف هالمكآن...انا بغبائي..مرة دليته عليه..

بس صدق لو تهّــور...بيكون في خبر كآن..!!

لانهم لو مسّكوه..بيمحونه من الوجود..!

واكيد بعد فجر بتتأذى لو يت معآه..!

ابــي احذّرهم...بس كيف..؟

" تنهدت بعمق "


بس شي فـ دآخلي يقول انهم بيكونون بخيــر..

علــي ذكي ويعرف كيف يتصّـــرف..!


\


فجــــر..


،


نشيت من وقت..وأحــس بنَشــــآطْ مب طَبيعــي...!!

صليت الفجر..

سرت المطبخ التحضيري..بسويلي ريوق دســـم..!

شهّيتــي مفْتوحة ع اللآخر..!!

ههه ولا كأنّـــي أمس طآيحة شرآت الميتة من التعب...!!


ظهرت علبة الاندومي...بطلتها وصبيت فوقها مآآي حآآر..

يمممي..شفتوو ريوقي الدسم كيف..؟


خذت الاندومي وتوجهت لغرفتي..

شيكت ع تلفوني...

جفت مكآلمآت لم يرد عليها...ومسج..

المكآلمات كلها من علي....!؟

" ضربت يبهتي بخفة " اوو نسييت...امس قلتله يدق عليّ..

بطّلت المسج...اللي كاتب فيه ليش ما ارد عليه..

حطيت تلفوني ع صوب..وانا مخططة عقب ارمسه..الحينة اكيد رآقد..

و أكلت ريوقــي..


،


السآعة 7 آلصبّح..


تجّهــزت وخلّصــت..

وظهرت رآيحة للنّـــادي..

وصلت النـــآدي تقريبن اول وحدة قبل الشبـــآب..!

قعدت ع الحشيــش..


اليـــوم متحمــــسة حق المبآراة..! ان شاءالله بس نفــــوز..!

ومب فـ هالمباراة بس..فـ كل المبآريآت...وناخذ الدوري بعد..


،


سمعْت بخطوآت ع الحشيش..

التفت ورآآ..

شفت كآبتن يوسف..

ما تفاجآت..لاني متوقعه انه يكون موجود من وقت...

طآلعته...خوفي منه احسه بدآ يتلاشى بالتدريج..

يمكن بسبب معآملته لي هاليومين.؟

وآقف وحآط ايده بجيب بنطلونه ويطالعني بنظرآته الغريبة وع شفايفه شبح ابتسامه....هالوقفة والنظرة تقهـــرني..!!

يحسسّنــي انّي ولا شي....

اخييرن نطق الحجرْ : هآآ اجوفج في قمة النشـــآطْ..؟ ويآآية من وقت...!


مارديت عليه اكتفيت اني اطالعه..


طالعنــي باستهزاء بعد ما تكتّف: لا وبعد قآآعدة...؟ استانستي ع بالج كل يوم بعفييج عن التدريبات..؟ يلا تفضّلــي...قومي عوضّــي عن اللي أمس..عندج لين السآعه " طالع فـ ساعته " 8:50 عقب لين ما يحضرون اللاعبين كلهم الساعه 9 بنبدا التمارين كالعآدة..


وقفت..بروح ابدا تمآآريني ..جفته بعده يطآلعني...عقبها عطآني ظهره بيروح..

بسْ وقّفته....

قلت بتردد : كَـ..كَــآبتن....!؟

الْتفت يطآلعني...

قلت بارِتبآك وحاطه ايدي ورا راسي احكّه بخجل : احم....أأ..مشْكور على أمس.......وو..ع الدوآآ..


ماردّ عليّ...بس نزّل نظرآآته لتحت...وعدّل نظآرته بطرف اصابعه ومشى عنّــي..

ابتسمت..اول مرة اكون جريئة جي..!

يلا ما عليّ منه..

ببدا فـ تمآآريني احسن..


//


مــــريم..


إحم..فرده يديدة تقتحم القصة..

بطآقتي الشخصية..

انا مريم..عمري 18 سنة....وقريبن بصير من طآلبات الجآمعة..

عندي اختين وحده اسمها شهد عمرها 15 ولمار 14...و وعندي اخوي الكبير صقر 21 سنة وشهاب 11 سنة..


خلونآ من بطآقتي الشخصية...وبقولكم عن الوضع اللي عآيشته..


،


من تركنآ هاللي ما يتسمّـــى وربيعه...ونحن لين الحينة محبوسين..

الصدمة اللي ألجمْتنـــي..ان اللي رابطيني معآها..يُعتقد انها توأمي...الا أكييد..!

هآي طبق الاصل منـــي..بس كيــف..؟ كيف هاي ممكن تكون توأمــي...؟!

انا ادري انه يخلق من الشبه أربيعن...بس هذي مب شبه....هذي هي نفسها أنــآ..!!


قآلتــي ريم عن سالفة هالاثنين...

مسكيينة...غلطت ع ناس..المفروض ما تقرب حتى صوبهم..


انا انصدمت...من بعد ما ظهرت من الحمام...حسيت بحد يمسكنّــي عقب ما لقيت عمري..الا مقيدة مع ريم..!

اهلـــي مادري شو صآر معاهم...

اكيد الحينة يدورون عليّ....مايدرون ان ممكن نهآيتي تكون قرّبت..!


نحن الثنتين طحنآ فإيد نآس خطــيرة...!

هذيلا ناس مب عآديين...وراهم شي..!


طالعت فـ ريم اللي سرحآنه..

ابتسمت بسعآآدة اللي تييني كل ما طآلعتها..

قلت : تخيّـلي لو انا وانتي صدق توأم...؟َ! " غمضت عيني بحآلمية " يالله صدق بيكون ونآسة..

ضحكت بخفة وقالت : ليش لين الحينة مب مصدقة ان نحن خوآت...؟

التفت لها متحمسة : انزين....فهميني كيف نحن خوآت ومب ويا بعض.؟ اذا صدق نحن خوآت ....هو واحد من الاثنين...يا ان اهلي هم اهلج...او اهلج هم اهلي...وو نفس ما قلتيلي قبل..تاريخ ميلادي نفس تاريخ ميلادج..! يختي السالفة فيها إنّ...

قالت وهي تفكر : ممم ماحيد امي قالتلي ان عندي توأم..

قلت : ولا انا..؟!


سكتنا شوي..


قالت ريم باحبآط : حسآفة بنموت قبل ما نستمتع بإخوتنا المتأخرة..!

قلت باحبآط مماثل : هيه والله..

قالت ريم : تدرين مريوم....

قلت : همممم...

ريم : من زمآآآآن وانا خآآطري انخطف.." ضحكت بخفه " ادري انج بتقولين شو هالمينونة...بس صدق...كنت دوم اتخيل واحلم واتمنى انّ حد يخطفني..!

احسّه آآكشن..وشي مثير فـ حيآتي..!

عقب ما نخطف ايي وينقذني فآرس احلامي..


كنت اطالعها وانا مبققة عيوني..

وفجاة ضحكت بصووت عآآلي..

طالعتني مستغربة...


قلت : سبحآآن الله..عاد قلنا توأم في الشكل..بس مو بعد في افكآآر..!

تخيلي ان كل اللي قلتيه نفس اللي دوم افكر فيه..! " ضحكت بيأس " بس اكيد تفآجأتي بهالانخطاف..

رآحت تخيلاتنا سدىَ..! كنت اقول لو انخطفت ما بخآف...بالعكس بستانس..! بس الحينة..هه مييته من الخوف....خاصة يوم حسيت ان نحن طحنا فايد نآس ما ترحم..


ريم طالعتني بعصبية خفيفة : انتي كل ما فتحت موضوع ابا انسى اللي عايشته..تردين وتذكريني..


وو قطعنا صوت الخطوآت اللي تقترب من زنزآنتنا..!


قلت وانا ابلع ريجي وطالع الباب بترقّب : ريم....اختي..توأمي..حبيبتي....! بصراحه كانت اسعد سآعات حيآتي يوم قعدت وياج وعرفت انج..اختي...وسآمحيني..وو اذا لا سمح الله ونجوتي من الموت....روحي عند اهلــي وخليهم يسآمحوني...وو


قطع وصيتـــي دخول حآرسين..!


همست لي ريم : مريوم...لا تبينين لهم انج خآيفة..!


\


علـــي..


،


بطلت عيوني....وطالعت في الساعه 8:28...

نشيت...وسرت اتسبح واتجهز حق النآدي..

امس كنت سهرآآن...احاول افكّ الشفرة....

طالعت فـ الاوراق اللي عالطاولة.....وآيد معقدة وصعبة...

بس قدرت افكّ كم كلمة..!!


لبست جوتيي....

الحينة قبل ما اظهر لازم اخش الاوراق..مابيها تطيح في ايد حد...

تأمّلت الغرفة ...وين وين ممكن احط الاوراق...؟

طآحت عيني ع المكّيف المركزي...؟!

ويت فـ بالي فكرة جهنمية...

يبت كرسي..

وحطيته تحت المكّيف...

وقفت فوقه..

مديت يدي للمكّيف وبطلت الغطآآ شويه..ودخلت الاوراق دآخل..ورديت بندت الغطاء عدل..

نزلت من الكرسي...وطالعت في المكيف....ابتسمت بنصر...

،

ظهرت من بييتنا وانا مرتآح نسبيّن..!

ركبت سيارتي وتوجهت للنآدي..


//


\



فجــــــــر


،


بدا الشباب يوصلون..

وقّفتْ اريّـح شوي..

شفت علي من بعيـــد...زقرْته بصوت عآآلي..

يآآ صوبي ...وجفته يطآلعني مستغرب..!؟


قلتله وانا ابتسّم: صبآآآآح الخيـــر..

رد عليّ:صبآآح النوور....اجوفك يآآي من وقت..

قلت بنشآط : هيه...ييت الساعه 7 كنت اتمّرن..

رفع حواجبه: اللي يسّمعك ما يقول هاا اللي كان بيطيح علينا امس من التعب..حتى توقعت ما تحضر اليوم..

قال ناصر اللي مرّ من عدالنا وسمعنا : هيه والله....بلْ عليه....ياي شرات الحصّآن..ع فكرة بديت اخاف منك..

طالعته بطرف عيني : صلّ ع النبّــي ويا ويهك....


ضحك وابتعد عنّـــا..

ضَحكْت بِِخفّة : تصدق حتى انا مستْغربة شو هالنّشاطْ اللي يا فجْاة..! شكْل مفعول الدوّا اللّي عطآني كابتن يوسف سَــريعْ...!

طالعني علي بنظرة مستغربة : عطآآك دوّآ...؟!

قلت مبْتسمة: استغْربت صحْ..؟ حتّى انا تفاجات امس يوم يابْلــي ...ههه حتّـى انّى شكّيت انّه نفسه يوسِف..!...بسْ تِدري هو مهما كان قآسي..لكن اكيد في داخله شي طيب..!


تفآجات من مسكني علي من ذراعي..وشدني صوبه..


وقال بهمس :شو الدّوا اللّي عطآج....!!؟

قلت بارتباك من مسكته : مم مادري..ليش..؟

قال : ما تعرفين اسمه..؟

قلت وانا بعدني مرتبكة : لا..اول مرة اشوفه..

قال : انزين..باقي عندج منه.؟

قلت : لا..بس عطاني كبسولة وحدة..


ترك ذراعي و وقف بعيد عني يفكر..

شفيه..؟

رحت صوبه وع راسي علامة استفهام..


قلت : علي شفييك..؟!


طالعني ثواني....عقب ضرب راسي بخفة..


همس: انتي غبيّــــة...؟ انتي اي حد يعْطيج شي تاخذينه..حتى بدون ما تعرفين شو هو..؟

قلتْ: انــزينْ..بس هو سوّا خير فيني....ما تشوفني فـ قمة النشّآط...؟


تنهّــد..وهز راسه بيأس..

صحْ...تذّكرت شي....!


قلت: علي الا ما قلتلي وينها شهرزاد...؟


تم يطالعني.....عقب قال: عند اخوانها...

قلت بفرح: صدقْ...!! الحمـــــــدالله..اخيرن التقتْ بإخوانها..!! ليش ما قلتلي من قبل..!

قال: ما كانت عندي فرصة اقولج..

قلت بحماس: انزين قولي شو صارْ بالظبط..وو كيف كان اللّقـــآء...؟! ابا التفاصيل كلها...!


قاطعنا خليفة اللّي يا صوبنا..


قال علي: عقب بقولك كل شي..


شفته يسولف هو وخليفة..

تنهد بفرح...الحمدالله...تستاهل شهرزاد..

ابتسمت بألم..

اخيرن قدرت تعيش حياتها الطبيعية..

الله يوفقْهــــا..

و

هه..عقبآلي..!!


\


ريــــم..


،

بعرفكم ع السريع عن نفسي..لان الوضع مايسمح اطوّل..

انا ريم..نسخة ثانية من مريم..عمري 18..

عندي اخت وحدة اسمها عايشة عمرها 16...واخو واحد اسمه سعد وعمره 5 سنوات..


المهم

،

الحينة قلبي طاايح فـ بطني...

والحارسين اللي اشكالهم تخرررع ميوّدينا..

وشكلهم مودينا للموت..!

طالعت فـ مريم..اللي تحاول تبين القوة وتخفي الخوف..

احس بالذنب ياكلني لاني ورطتها معاي..

كنت ناوية اعترف لهم ...لكن مريم منعتني بقوة..حتى قبل ما تعرف اني مخططه اقولهم...!

قالت دام ان نحن دخلنا هالمكان...مستحيل نطلع منه احياء...حتى ولو عرفوا اي وحده فينا المقصودة..

كلاامها صح..هذيلا ناس مب هينين ابدن..!

،

ظهرنا من مكان القذر.

وقفنا جدام باب..

تبطّل الباب...وو...تفاجأنــا بمكان رآآآقـــي جدا جدا جدا...وفخــم...

طالعت ف مريم اللي طالعتني مستغربة بعد..

اللي يجوف المكان اللي كنا فيه..مايقول ان فيه نفس هالمكان..!

عكســــــه بالقوو..

مشينا ونحن نتامل الثريا..والكراسي..واللّوَح اللي ع الطوفة..والتُحَف الموجودة ف كل بقعه..والخدم اللي كلهم فـ لبآس واحد..و كل شي منظّم ومرتب...

المكَـــانْ في قمّــة الرَوِعه..!


توقفنا جدام باب بني وعليه زخرفة بالذهبي..

تدرون اني نسيت الخوف..!


بطّل الحارس اللي معانا الباب..

دخلونا..وظهرو..

تجولت بنظري ع المكان..

جنـــآح كبيـــر..!

بس روعه..يجنـــــن ..كل شي متناسق الوان الطوفه مع الاثاث..والارضية..


نقزت من الخوف لما سمعت صوته..

التفت..شفته هو وربيعه قاعدين ع الغنفات..

طالعتهم بحقد..

مسكت ايد مريم..اللي رصّــت ع ايدي..

طالعناهم بتحدي..


محمد بنبرة ساخرة : هلااا هلااا..

منصور بنفس النبرة : توّ ما نور المكـــان..

محمد يأشر ع الغنفات اللي عدالهم : حيّـــآآكم..


لَصقـــت فـ مريم..

ردد كلامه..يبانا نقعد..

ونحن ساكتين ونطالعهم ببرود ِظَاهِــري..!

وهو ردد للمرة الثالثة..


ردت عليه مريم بصوت ثابت : قولوا شو تبون منّــأ..؟


طالعوا فـ بعض وابتسمو بسخرية..

انقـهـرت منهم..

شفت هاللي ما يتسمّــى يريّــح فـ قعدته...وكانه يستفزنا...!


محمد: شو نبــا منكم..؟ هه..ولاشي..بس جي اباكم انتو..

قلت بقهر : ليش تبانا..جي الدنيا فوضة..؟!

قال مطنشني : تعالي انتي وياها وقعدوا هني....تراكم بعدكم ما عرفتوا نحن منوو..فـ سمعو كلامي بدون عناد..


رفعت حاجبي اقهره....

شو بيسوي يعني.؟ نهايتنا الموت الموت...يعني ما فرقت معانا..


أشّــر ع ربيعه : منصــور...!


وقف هاللّــي يتسمى منصور...

و تجدّم صوبنا...

وقف جدامي...ما رفعت راسي اطالعه..

بطّــل الحبل اللي مربطيني فيه مع مريم..

وبقّــت ايدي اللّـي مقيّــدة..وايدها..


يودنــي من ذراعي يمشّــيني وياه....ثقّلت خطوآتي...لكنه اقوى عنّــي..

قعّدنـــي ع الغنفة..وقعد عدّآلــــي..


منصور: محمـــد " أشّـــر ع مريم ..عقب طالع فيني " انا عيبتنـــي هاي...


ضحك ها محمّــــد..ووقف رايح صوب مريم...!!


\


هناك عند اجواء المباراة التي في ذروة حمــآسها..!

الكابتن يوسف جالس على كراسي المدربين...متكتف بيديه ويتناقش مع إبــراهيم...


إبــراهيم : بس انت كيف تعطيها الحبوب قبل ماعطيك الاذن..

كابتن يوسف بثقة : انت اظن سلمتها لي...ووعدتك اساعدك فـ تأهيلها..

قاطعه إبراهيم باستياء واضح : انت تعرف شو عطيتها بالظبط..؟ منشّط..!! وتعرف ان الفريق كان اسوأ فريق ع مستوى الاندية كلها...والحينة اذا شافوا انه صار قوي واحسن من قبل..ما بيشكّون.؟ واذا اجروا فحوصات وعرفو انها تستخدم منشّط....سمعت النادي بتدمر..!

كآبتن يوسف: كل هالكلام اعرفه..ودارسه عدل..المنشّط اللي عطيتها ما بيطوّل مفعوله.. باقي ساعه ونص بالكثير ويروح..لاني عطيتها امس..

تنهد ابرهيم : يوسف انا واثق فيك...بس مابي تعبــي يروح ونحن بعدنا في البداية..

كابتن يوسف بابتسامة مشجعه : اعتمد عليّ..

،


نعود للمباراة...

الملعب مزدحم بالجمآهير المشجعه..خاصة وانها اول مباراة في هذا الدوري..

و وسآئل الاعلام منشرة لتبُث هذا اللّعب للمئآت القابعون خلف الشاشات ويتآبعون بحمّــآس..

و الفريقين يلعبون في نشآط وقوة..!

،

انتهــى الشوط الاول بلا أي هدف لكلا الفريقين..




\


علـــــــــي



،

الحينة بريك....

رحت خذت فوطة ومسحت ويهي فيها....

بطّلت غرشة الماي وشربت منها...

عقب تجمعنا عند كابتن يوسف وستيفن..نسمع نصايحهم..والخطة..


،


صفّر الحكم...وبدا الشوط الثآنـــي...

وردينا نلعب..ولكن هالمرة بقوة...

الفريق الثاني...ما كان ضعيف وايد...

هالشّوط ظهرنا كل طاقتنا...

وو

اخيرن سجّـــل خليفة هدف...

اللّــي صدق طيّرنا من الوناسة..



\


ابعد السّتآر عن النافذة ليَــرى الضجيج الذي يعجّ في الشارع...

رأى سيآرات الشُرطة والإسعآف واقفة امام المنزل المُجآور لمنزله..

والشآرع يعجُّ بالنّاس المتجمهرة خلف حاجز شريطي وضعته الشرطة..


سمع طرق على الباب....

دخل خادمه بعدما اذن له بالدخول..

وأعلمهُ بــ............جَريمـــة قَتْل في المنزل المجآور...!


وبعد ان خرج خادمهُ...أسدَل السِّتآر..

وتوجّه الى جنآحِها الذي منذُ ان تركها فيه لم يراها...!

طرق الباب...وخرج طبيبها..

اخبرهُ عن حالتها...وانها في تقدم بطىء..

لم يشأ ان يَرَها الآن..

فقط...أعلم الطبيب ان يُعجّل في علاجها..

وبعدها خرج من المنزل..


\

فجــــر..


،


صفّر الحكم ...نهآآآية المبآآراة....والنتيجة 2 – 0 لصآلحنا..!!

القول الاول سجله خليفة والثاني أناا..

ركضّنـــا في الملعب بفرحة....

صدق الفوز شي حلوو..!

حسيت ع نهاية المباراة طآآقتي خلّصت...!

بس قآآومت..

يلست ع الحشيش بتعب وانا اطالعهم يركضون ويضحكون ويحضنون بعض...

مافيني حيل خلاااص..

ابي الســرير وبس..!

،

وقفت...وياا الشباب صوبي..

اللي كفخني ع راسي مستانس واللي يشدّ شعري..

ويتكلمون بحمآس عن المباراة..

وانا اضحك عليهم..

يت الكاميرات تصّورنا..

ويسوّون لقآئات ويانا..

ما كنت متفيجة اسوي اي لقاء..

لكن مجبورة خاصة واني لاعب يديد..وممكن اكون نقطة تحوّل الفريق للاحسن..

اجريت كم لقاء والباقي اعتذرت..

،

خذيت شنطتي..ودّعت الشباب..

و وقّفت تآكسي وتوجهت للبيت...

،


تفآجأت بالناس المتجمعة جدام الفلة اللي ساكنة فيها..!

لا وسيارات شرطة..واسعااف..

بسم الله شو صاير..؟!


نزلت بسرعه من التاكسي بعد ما دفعت له..

تخطيت الناس بصعوبة..

ووقفني شرطي يمنعني من الدخول..


الشرطي: ممنوع لو سمحت..

قلتله: بس انا ساكن هني..!

الشرطي : انت من اهل هالبيت..؟

قلت: لا ..مستأجر....قولي شو صاير هني...؟

رد : جريمة قتل..!


بطّلت عيوني ع وسعهن...

جـــريـــــــــمة....!


\


~| نهآية البارت الرابع عشر|~
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Miss Helen



انثى عدد الرسائل : 152
الموقع : في عالم أحلامي
العمل/الترفيه : طالبة
تاريخ التسجيل : 19/10/2012

مُساهمةموضوع: رد: رواية همس الموت | Whisper death    السبت نوفمبر 03, 2012 6:10 am

البارت روعه بمعنى الكلمة ننتظر الي بعده لا تطولين علينا I love you Like a Star @ heaven Like a Star @ heaven Like a Star @ heaven
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اميرة الوفاء



انثى عدد الرسائل : 49
تاريخ التسجيل : 22/09/2012

مُساهمةموضوع: رد: رواية همس الموت | Whisper death    السبت نوفمبر 03, 2012 6:22 am

جرررريمةة قتل !!!!!
اتوقع ام الاطفال اللي يضربوا ع بدور
قتلها زوجها لانها ضييعت بدووور>> ابوكك ي التفكير ههه

يسسسسسلمووووووووواااااا ع الابداااااااااع
بأنتظاررركك








الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ASOOMY.M ♔



انثى عدد الرسائل : 586
الموقع : qatar
العمل/الترفيه : طالبة
تاريخ التسجيل : 25/07/2012

مُساهمةموضوع: رد: رواية همس الموت | Whisper death    السبت نوفمبر 03, 2012 6:34 am

Miss Helen كتب:
البارت روعه بمعنى الكلمة ننتظر الي بعده لا تطولين علينا I love you Like a Star @ heaven Like a Star @ heaven Like a Star @ heaven

انتي الاروع حياتي
نورتي sunny
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ASOOMY.M ♔



انثى عدد الرسائل : 586
الموقع : qatar
العمل/الترفيه : طالبة
تاريخ التسجيل : 25/07/2012

مُساهمةموضوع: رد: رواية همس الموت | Whisper death    السبت نوفمبر 03, 2012 6:34 am

[quote="اميرة الوفاء"]جرررريمةة قتل !!!!!
اتوقع ام الاطفال اللي يضربوا ع بدور
قتلها زوجها لانها ضييعت بدووور>> ابوكك ي التفكير ههه

يسسسسسلمووووووووواااااا ع الابداااااااااع
بأنتظاررركك


الله يسلمج قلبي
نورتي sunny
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Al-Queen ???



انثى عدد الرسائل : 304
العمر : 26
الموقع : القصييم
العمل/الترفيه : ولاا شي
المزاج : مبسووووطه
تاريخ التسجيل : 21/08/2011

مُساهمةموضوع: رد: رواية همس الموت | Whisper death    السبت نوفمبر 03, 2012 11:00 am

.



بدععتي ياا قلبي
اممممم
خخفت على فججور من هالحبووب موو زيينه
على ياالبى قلبه. وقسمم خففت علييه رربي يحمميه
امممم
شهررزاد غبييه قهررتني علييها
الحيين شلوون تطلع
بدوور. الحممدالله تتقدم بالعلااج و هذاا شيء يطممن
اخأاف تنتكس اذاا سمعت شيء عن ابووها


يلاا اننتظررتس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
لهفة شوق♥



انثى عدد الرسائل : 181
العمر : 25
الموقع : جدة
تاريخ التسجيل : 03/09/2012

مُساهمةموضوع: رد: رواية همس الموت | Whisper death    السبت نوفمبر 03, 2012 8:04 pm

ابدعتيي
استمررري
بنتظارك غلا...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ASOOMY.M ♔



انثى عدد الرسائل : 586
الموقع : qatar
العمل/الترفيه : طالبة
تاريخ التسجيل : 25/07/2012

مُساهمةموضوع: رد: رواية همس الموت | Whisper death    الأحد نوفمبر 04, 2012 12:56 pm

~| البارت الخامس عشــــــــر |~

\

فجــــر

،

وقفت متصنمة اطالع في الجثة المرتمية جدامي...!
ياللــــه...!
بلعت ريجي بخوف وانا اتامّلها..!
طايحة قريب الطوفة..عيونها جاحظة..شعرها منثور عدالها..و ع الارض دمّ ظاهر من حلجها..!
عقدت حواجبي..
انزين وين جريمة القتل.؟؟
لاحظت شي مكتوب ع الطوفة..
شهققت..!
مكتوب بالدمّ " Worthy of death "
يممّه...
عسب جي عرفوا انها جريمة قتل..
حسيت بقشعريرة ..منظر مخيف..! اول مرة اشوف حد ميت جدامي..!
حتى اهلي ما جفت جثتهم ولا شي..!

التفت للشرطي اللي يرمسني..: عرفتها..؟
قلت : هيه..هي ام اليهال وراعية هالبيت..
الشرطي : ما تعرف حد من اهلها نقدر نتواصل معاه.؟
قلت: ريلها...بس اظنّي الحينة مسآفر..

جفت الشرطي يتحرطَم..
لحظة..اظن عندي رقم ريلها...لاني كل شهر اسلمه الايجار..

قلت : تذكرت...عندي رقم ريلها..ويت بعطيك..

ظهرت الرقم وعطيته..
رديت طالعت في الجثة..مسكينة..!
طالعت في الشرطي : متى ناويين تشلّون جثتها..؟

مابي اليهّال يجوفون امهم وهي ميتة....الا صح..وينهم..؟

قال وهو يتنهد : لين ما ناخذ صور ونشوف شو ملابسات الجريمة...واحتمال حتى ما تكون جريمة..!!

هاه..؟

طالعته مستنكر : كيف احتمال ما تكون جريمة..؟ توكم تقولون جريمة.؟
قال وهو يطالع في النوتة : الضحية : سحر سالم......الـ... العمر : 31 سنة..حالتها الاجتماعية متزوجة..لديها خمسة ابناء....وقت الوفاة : تقريبا التاسعة مساءً..كيفية الوفاة : غير معروف...اداة الجريمة : غير معروفة.." رفع عيونه لي " ع حسب كلام عيالها انه في شخص دخل بيتهم وامهم كانت تصرخ..عقب ماتت..وقالوا انهم ما جافوا المجرم..بس ما نقدر نثبت هالشي بكلامهم بس..

جفته تركني وراح عند شرطي ثانــي..
تذكرت اليهّآل..شهقت...جافوا امهم وهي ميتة...!!! واحتمال بعد جافوها وهي تنقتل...!
ظهرت بسرعه ادّور عليهم..
سَالت عنهم..قالوا انهم عند الجيران..
سرت..دقيت الباب..
ظهرلي ولد..
وعقبها دخّلـــني..
جفتهم..
وليتنـــي ما جفتهم..
يصيحون بهستريا وبرعب وخوف...!!
ركضت صوبهم..وحضنتهم بقوووة..
حبــــآآيبي..من جافوني زاد صيآحهم..وتعلّقوا فيني..
حاولت اهديهم..بس شكله شي مستحيل..
يصآرخون : الوحش ذبح مآما...ماما قتلها الوحش..!!

بعد نص سآعة من الصرآخ..وانا اهديهم واطمنهم..بدت اصواتهم تخفّ..وصاروا يصيحون بصوت واطي..

رشود والدموع فـ عينه : فاارس..أأأ...أأنـــا جفت " شهق ونزلت دموعه " الوحش..هو...نفسه اللي فوق في السطح.." صاح بصوت عآلي" شررد..وياا وذبح مآمااا..

عقدت حوآجبـــي...
طالعت فـ خالد اباه يأكدلي كلام اخوه ..: صدق خالد...جفتوا الوحش..؟
خالد ودموعه تنزل : هيه..جفنآآه لابس كلّه اسود..وو مادري شو سوّا فـ ماما.." مسح دموعه " مآمآ كانت خايفة وتصيح بس هو يقولها تستاهلين..!

تستآهليين..؟!!!!
صح..!
الشخص الموجود فوق السطح..! نسيت اجوف شو سالفته...!!!
ياللّه كيف نسيــــــت...!؟
لازم اقول للشرطي..

ظهرت من البيت بعد ما وصيتهم عليهم...برد عقب بشلهم..
رحت عند الشرطي اللي يحرس البيت ويمنع حد من الدخول..
قلتله اني عندي شي مهم اقوله لهم..
،
وصلّنــي عند المفتش المسؤول..
قلتله كل شي..
انه في شخص يعيش فوق ع كلام بشكآرتهم اللي اعترفت لي قبل..
وان اليهال يقولون انه نفس الشخص اللي محبوس فوق هو اللي قتل امهم..!
أمـر انهم يستجوبون البشكارة بخصوص هالامر...
واللي عرفته ان البشكارة هي اول المشتبهين بهم..وهي الحينة تستجوَب ع الجريمة..
،
دليت المفتش والضابط ع المكان اللي في السطح..
الغريب ان الباب مبنّد..! عيل كيف ظهر..؟ ما اعتقد انه هو القاتل لان ع حسب كلام البشكارة انه صغير..!
ظهرت المفتاح اللي جفت البشكارة تخشه هناك..

دخلت المفتاح في الفتحة..وجفت الضابط يظهر المسدس..ويطالع في الباب اللي ينفتح بحذر..
بطلت الباب شويه..عقب دزيته بريولي وتبطل كامل..
فآجأتنا ريحة كرييهه..
حطيت ايدي ع خشمي عسب ما اشمّها..

ظهّر الضابط و المفتش مصباحهم اليدوي..
مرّروا الضوء ع المكان..
يتلي رعشة من هالمكان..
مخيـــــــف..ومقزز بدرجة فظيعة..!!
فـ كل مكان خيوط عنآكب..و اصوات حشرات مزعجة..
ونشوف حركة كائنات صغيرة تشرد من الضوء..اظن فيران..!!
تجدّم المفتش لدآخل..
بس من تجدم سمعنا صوت زجاج يتكسّر عن ريوله..
بسرعه سلّط الضوء عليه..
جفنا صينية أكل..وقلاص مكسور ..الظاهر المفتش طيّحه وهو يمشي..
نزل المفتش والضابط لمستوى الصينية...
اللي بقى منها فتآآآآت اكل..شكل الفيران التهمت الاكل كله..
مرة ثانية مررّوا الضوء ع المكان ..تجّولوا..بس محد في الغرفة..!
والغرفة مافيها اي فتحة او حتى دريشة ممكن حد يظهر منها..
،
طالع المفتش والضابط فـ بعض فـ شكّ...!
ليش البشكآرة تييب الاكل..؟
وفي اشياء تدل ان في حد كان عايش هني..!!
،

تركت المفتش والضابط بعد ما قرروا يحققوا في اللي جافوه..
رحت بيت الجيران..
واستاذنت آخذ اليهّال عندي ...لين ما حد من اهلهم ايي وياخذهم..
وخاصة ان اليهال مب متعودين ع الجيران..!

،

بالموت وقفّوا عن الصياح..بعد ما خلصت طاقتهم..
و عقبها ما رضوا الا يرقدون وياي ع السرير..
ومادري كيف سدّنـــأ..!

\

مــريم

،

شدني هاللي اسمه محمد وقعدني عداله..
طالعته بتقزز..
جفته يتأمّلني...
نعم...خيــــر...؟!

قلتله باحتقار : خير يالاخو..اول مرة تجوف انسانة.؟
ضحك وقال : والله اسعد حظ فـ حياتنا..بنات ع الجاهز بدون ما نتعب عمرنا..
منصور اللي ابتسم : هيه والله..

تدرون..بقصّ عليكم لو بقولكم اني مب خايفة..
اتمنى انّي اموت ولا اتم هني عند هالحثآلة..

قلت بكره : حقير انت وياه..

ضحك مرة ثانية..ولا كأنّــي غلطت عليه...!

قلت باستفزاز : لو فيك خير فكّني..وبراويك شغلك..!

طالعوا فـ بعض...عقب نقعوا ضحك...!!
شفييهم هذيلا..؟
يبون يتصفعون والله..

قلت بعصبية خلااص نقعت فيوزاتي : خلنّي بس اشيل هاللي مربطني..وبراويك منو أنا..
ابتسم باستخفاف : يلا يالمفعوصة..راوينا منو انتي..

فكّ الحبل من ايدي...
فركت المكان بالم...

بس تفاجأت لما مسكني من ذقنــي..وقرب ويهه مني..

قال بهدوء : يلا..وريني شو بتسوين...؟

انصدمــــــت...من وقآحته ومن جرأته...
بعدت ايده بكل قوووة..
وهو رد وراا..
وقفت..
وو
سطرته بطرآآآآآآآآآآآآق قووووووي...!
وقح..وقح..وقح..
بعد ما دوى صوت الطراق في المكان..
كانت صوت انفاسي العصبية اللي تنسمع في الغرفة..
جفته متصنّم فـ مكآآنه..
ويطآلعني وعيونه مفتحوحه ع وسعهن..

تنفست الصعدآء : عسب مرة ثانية تلزم حدودكـــ يال................

شهقت من سحبني من شيلتي...وجردني منها....!!
عقبها مسكني من شعري بقوووووووووة...
سمعت صوت ريم اللي صرخت برعب..

محمد بغضب : انتي يالح****..يال****....تمدين ايدج علي....!!! انتي ما تعرفين اناا منوو..!! " شدّ قبضته ع شعري " والله بتندمين..لا ادفعج ثمن ع الطراق..

كنت اتألم بقوووة...لكن كرآمتي ما سمحت لي أبيّن له...كنت اطآلعه بتحدي..
وهو يزيد ويزيد..
عقني عند ريوله..
جفت خصلات شعري فـ ايده....يعلها القصّ..

كان يتنفس بعصبية ..
التفت لربيعه : منصوور..خذ هذي اللي عندك..اما هذي انا برآويها ال*****
" نطق بقهر " ثآآآني مرة انكفخ......ثآآآآنــــــي مرة..!!!!
طالعني...ورفسنــي ف بطني..
طلعت آهه صغيرة مني...ومسكت بطني بألم شديـــــــد..

ريم بخوف : مـ " بسرعه رفعت راسي لها انبّهها " آآ ميمــــــي...!!

جفت ها منصور..يسحبها ودخلها وحده من الغرف..
بلعت ريجي..
فـ هاللحظة..تمنيت شي وآآحد..
لو اكون قوية..واقدر ادافع عنها وعني..

تفاجات بالحقير يشدّ شعري ووقفني..
اففف..هاا ما يحس..يعوووور...
وشعري خلاااص ما بقاا منه شي..

جفته يجرني شرات الخروف..
ظهرنا من الجنآح..
مشينا في الممّرات..وصلنا باب ثاني..
بس شكل الباب غير..حديدي..وصلب..وفيه فتحه عليها قضبان..
مادري هذا سجن..؟
ظهّر المفتآح..وبطّل الباب..
دخلناا..
بس تفآجأت بالغرفة الكبيــــــــــرة..
لونها أبيض × ابيض..
نصها فآآضية...الا من سريير ابيض كبير في نص الغرفة..
وكرآسي..وطاولة صغيرة زجآجية..

عقْنــي بقوة ع الارض..

وقال بنبرة حقد : تجوفين هالغرفة..؟ بيضآء صح..؟ بخليها تستوي حمرآآآ من دمّج..وبخليج تعبينها من دموعج..

رفع ريوله بيرفسني ..بسرعه حميت بطنّــي..
انقهــرت منه..
وانقهرت من نفسي...خليت ريم بروحها..مادري شو ممكن الحقير يسوي فيها..
غمضت عيني..احاول انظّم انفاسي..
هدّي يا مريم..هدّي..
لا تخآفين...انتي ما تخآفين من هالاشكآل...
خليج طبيعية..

فتحت عيوني ..ومادري شو هالشجاعه اللي يتني..
رفعت رآسي..
ورديت شعري الطويل ع وراا..
وو..
وقفت بشموخ فـ ويهه..
جفته رفع حواجبه باستخفاف..

قلت ببرود : دآم اللي جدّآمي مب ريّآل..ما عندي مشكلة اني اوقف فـ ويهه..واكفخه بعد..
عقد حوآجبه بعصبية..: ريآل وغصبن عنج..يالح****..

جفته مدّ ايده بيمسكني من ويهي..
بس بسرعه ضربت ايده ابعدها..ورديت ع وراا..
وو..
من جفت ردت فعله...
اكيد يا مريم هذي نهآآيتج...!!!!!

صرخ بجنون : انتــــــــــــــــــي....!!!!!! بتموتـيـــــــــــن...

جفته يقترب منّـــي..عيونه جاحظة..وحمرآآآ..ورآص ع ضروسه..
كل خطوه يمشي..ارد انا خطوتين..
يمممّه..والله اني خآآيفة..
لا مريم ..لا تبينين انج خآآيفة..
بلعت ريجي..
اختفت نظرته التحدي اللي فـ عيوني..
لكن ملامح ويهي جآمدة..
جفته يزيد من خطوآته..
رديت بسرعه..وانا بس اطالع ريوله اللي تتحرك..
بس..
تعثرت بخشبة السرير...وطحت عليه..
شهقت بخفه..
جفته يبتسم بخبث..
بدت اوصآلي ترتجف...
تصنمت وماقدرت اتحرك او حتى اشرد عنه او ادافع عن نفسي..
كنت اطالعه بجمود..عكس الانفعالات والخوف اللي دآخلي...
حسيت ان نهآآيتي اوشكت ع البداية..
غمضت عيني بصمت..
وكأنّــــي استسلم....!

\

الصبح...10:00
\

شهــرزآد

،

تونـــي ظهرت من الاستديو..
كنت اسجل ألبــــوم..

اليوم بقوم بخطوة متهورة نوعا ما..
ابي اروح مكان شغلي..
خلااص بتركه..
ولازم اقولهم..
،
اليوم لبست تنورة طوليله وقميص..وخذيت شيلة وحطيتها فـ الشنطة..
طبعن كل هذا عسب اروح..وعسب ما يشكّ سليمان..!

قلت للدريول يروح المكان اللي دليته عليه..
في البداية رفض وبقوة..
وسوالي طآف..
لكن الفلوس دوم تسوي المستحيل..!
وصلت المكان..
لبست شيلتي..
ونزلت..
دخلت..وطول الوقت منزلة رآسي..مابي حد يتعرف علي..
لين وصلت مكتب المديرة..
دقيت الباب..
وعقب شوي أذنت لي..

دخلت..وكنت واقفة عند الباب ومنزلة رآسي..مستحيـــة..مادري شوا قولها..
اكيد بتنصدم مني..وبتكرهني..

رفعت راسي..جفتها تطالعني مبتسمة..

المديرة : حيآج اختــي تفضّلــي..اي خدمة ممكن اساعدج فيها.؟
قلت بتردد :أأأأ...مم..انا يايه..عسب اقولج اني خلااص ما بشتغل هني..
عقدت حواجبها مستغربة : تشتغلين هني..؟ ليش انتي منو.؟
نزلت رآسي باحراج : انا شهرزآد..
شفت الصدمة بعيونها..لكن بسرعه اخفتها..
قلت : أأ..السموحه منج..ما قدرت ايي اقولج اني ما بداوم..ظروفي ما سمحت..
قآطعتني وهي تتامل فيني : انا جفتج قبل..! مممممم..مادري في التلفزيون..او الاعلانات اللي معلقة في الشوارع...؟
انا: ..........
قالت بهدوء : انتي من الممثلين او الفنانين....؟!
قلت بألم :....هيه..أأ..ادري انج منصدمة مني..لكن اعرفي انه مب ايدي.والله مب بايدي...ولا تساليني ليش..انا ابي اشتغل شغلة شريفة...بس ماقدر..ماااااقدر..

جفتها وقفت ودارت حول مكتبها ويت صوبي..
نزلت راسي..
حطت ايدها ع كتفي..
طالعتها والدموعة تارسة عيني
قالت بابتسامة حنونة : اهم شي النية...انتي اذا نيتج طيبة وصادقة...صدقيني ربي بيوفقج..وبيساعدج...انتي ادعي ربج ييسر لج امورج..وصدقيني بتتيسّر..

مسحت دموعي وابتسمت لها : ان شاءالله..مشكووورة..مشكوورة....ما تقصرين والله..
المديرة : العفوو حبيبتي...وو مكانج هنــي بيتم فاضي لين ما اتيين..

ماعرفت شو اقول جدام طيبتها..
حضنتها بقووة..وبكيت بصمت..
،
بعدت عنها..و ودعتنّــي بدعوآتها الصآدقة..!
ظهرت من عندها ..بعد ما مسحت دموعي..

يا فـ بالي امر في المكان اللي دوم ازوره بعد ما اخلّص دوآمي..
دخلت القسم الخاص بالاعمال الخيرية والتبرعات..
سلمت بهدوء ع المسؤول..
حسيته ما عرفنــي.. الحمدالله..
قلتله اني ابي اتبرع..
تبرعت بعد ما كملت الاجراءات الروتينية..
شكرته..
وظهرت ..
ركبت السيارة..
ورحت اتجهز حق وحدة من حفلات اليوم اللي ما تخلص..

،

بعدما خرجت من المؤسسة..كانت هناك عينان تراقبانها منذ ان طلبت ان تتبرع بمبلغ مالي..
عرفها على الفور منذ ان سمع صوتها..
بدا عليه الاستغراب من تغيرها المفاجىء..
ولكي يرضي فضوله..
تبعها من دون ان تعلم..

\


\

علـــــي..

،

امس رقدت شوي..وعقب نشيت نص الليل افكّ الشفرة..
تحمست..احس اني بكتشف شي..
مع اني نعسآآآآآآآآآن..وعيوني كل شوي تتسكر..بس لازم اكمل ع الاقل هالشفرة..عقب بكمّل الباقي..الحمدالله ان اليوم اجازة..
اللي لقيته الحينة...هالرموز...شو تعني..؟






احسها تعني شي خطير بس مادري شو هو...؟
يآآآربـــي شو ممكن يكون...؟
كتبت الرموز فـ ورقة صغيرة..
وتاملتها بصمت..
في رموز عرفتها..بس الارقام والحروف..ترمز لشو..؟
سمعت صوت حنان تزقرني للريوق..
خذت الورقة..
ونزلت تحت أتريق..
،
حنون طول الوقت تسولف عند راسي وانا ولا ع بالي...
مشغول في الرموز اللي جدامي..
عمتي تاكل بصمت..و احيانا تشترك ويا حنان فـ سوالفها..

تفاجات لما سحبت حنوون الورقة من ايدي..

حنان باستهزاء : سرحآآن فـ شوو...؟ لا تقول انك تفكر فـ هالورقة..لاني ما بصدقك..

كنت بعصب عليها..
لكن من جفت الورقة فـ ايدها..
بطلت عيوني ع وسعهن..
فهمت قصد سلّوم..
سحبتها بسرعه من ايدها..
ومن قريت الرموز..على طول فهمتها..!
بسرعة وقفت..
وتفاجات عمتي وحنان..
بس ما سويت لهم سالفه..
سرت غرفتي..و رديت الاوراق مكانهم السّري..
بدّلت...وظهرت بسرعه من البيت..
وانا ادعي انه ما يكون اللّي فـ بالي صح.. وان شاءالله اقدر اسوي شي قبل ما يصير شي!!!!!

\

ريـــم

،

من دخلني الغرفة وانا خلاآآآص احس اني انتهيت..
وفينــي غصة ع مريوم ..
اكيد بيذبحها ..
ليش يا مريم تهورتي..ليش..؟
طالعت فـ الحقير ربيعه..
جفته يطالعني بهدوء..
انزين..؟
وبعدين..!

منصور : شوا سمج يا حلوة..

شفف هذا..بروحي مضايجة..وهاا متفيج..

قلت بضيج : جـــب..

حسيت من نظرآته انه انصدم..
بس طنشته..
تنهدت..

جفته سند ذقنه ع ايده وطالعني بابتسامة طيبة...؟!
احسه غيير عن ربيعه..
هاا هادي وهذاك عافانا الله عصبـــي..

قال : ليش هالتنهيدة....! زعلانة..؟

طالعته باستهزاء..
هذا غبي ولا غبي ولا يستغبى ع مخي..؟

قلت باستهزاء واضح : ابدن..ليش حد قال اني زعلانة.؟ انا شوي وبطير من الوناسة..
ضحك بخفة : الله يديم هالوناسة..
طالعته بحقد : ضحكة بلا ضرووس..
قال : أفآآآآآ..ليش كل هالكره..لو سويت لج شي بقول معذورة..بس ما كفختج شرات ما سواا محمد فـ اختج..

آآآخ..يالحقير انت وياه..ابدن ما سويتو شي..
جفته وقف وقرّب صوبي..
بلعت ريجي بخوف..
حاولت ما ابين الخوف فـ ويهي..لكن جسمي كله يرتجف بقووووة..
نزل لمستواي..
مسك ايدي...وحرر ايدي من الحبل..

قال بضحكة : يلا كفخيني شرات ما سوت اختج..

ها ها ها..ينكت..؟
صديت عنه..اباه يبتعد عني..
بس ما تحرك..
طالعته بنظرة قوية : خيــر..؟ بعّد عني..
ابتسم ووقف..
تقهرني ابتسامته..احس اني بصيح منها..
جفت راح صوب الثلاجة..بطلّها وظهر منها غرشة
وصبّ في قلاصين..
يا صوبي ومدّ لي واحد..
طنشته.!

قال : ترا جفتيني ما حطيت لا مخدر ولا شي..

كنت بعترض..لكن تفاجات لما مسك ايدي وحط القلاص فيه..
وو
من شمّيت ريحة المشروب...حطيت ايدي ع فمّي بسرعه..
وو عقيت القلاص ع الارض..
جفت باب شكله الحمّام..بسرعه ركضت صوبه..وو رجعت..
،
ظهرت من الحمام وانا امسح حلجي بكلينكس..
كنت اتنفس بتعب..
لاآآآآعت جبدي..
الله يااخذه شكلي عطاني خمر...!!!

جفته يطالعني بحواجب معقودة..
طالعت في القلاص ماله..
شربه كآآمل..
وععع..
،
بعد هالربع الساعه اللي كان يسولف ويسولف فيها وانا يا اطنشه..يا ارد عليه بعصبية...
حسيت لسانه بدا يثقل..
وبدا يخربط في الكلام..
بدا الخوف يتسرب لداخلي..
طالعت في الباب ورديت اطالعه..
الحينة هو سكرآن..يعني مب حاس في الدنيا..
ابتسمت بارتباك..اكيد اقدر اشرد..!!
وقفت بهدوء..
جفته سرحآن..
تحركت شوي شوي صوب الباب..
وهو ع نفس وضعيته ومب حاس فيني..
تنهدت برآحة..
مسكت مقبض الباب بفتحة..
بــــــس..
حسيت بظل..
وو
ايد تمسكني من كتفي ..
صدني صوبه بقوة..
شهقت..ولصقت في الباب..

قال باستهزاء : ع بالج سكرت..؟ انا ماشربت وايد عسب ما حس اللي حولي..
" قرب مني زيآدة " هاه يا حلوة.خآآيفة..؟ حرآم عليج انا ماخوف..

جفته مد ايده بيلمس ويهي...
حبست انفآآآسي...
وو
كآن المنقذ الوحيد..
تلفونه اللاسلكي " اجتمآع عآجل الى اعضآء المنظمة في المقر الفرعي في ****...اكرر...."

\

~| نهاية البارت الخامس غشر |~

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ASOOMY.M ♔



انثى عدد الرسائل : 586
الموقع : qatar
العمل/الترفيه : طالبة
تاريخ التسجيل : 25/07/2012

مُساهمةموضوع: رد: رواية همس الموت | Whisper death    الأحد نوفمبر 04, 2012 1:32 pm

هذي البارت لعيون الي ردوو لبا قلبكم حبايبي فديتكم I love you


~| البارت السادس عشر |~



\


مريم


\


كنت ادعي وادعي فـ دآخلــي ان ربي ينقذني من هالموقف..

كنت اتنفس بسرعه..

حآسه..حآسه فيه قريب مني..و اسمع انفاسه ..

حسيت فيه ما تحرك..

ياربي ما ريد ابطل عيني..ادري انه قريب..


وو


" اجتمآع عآجل الى اعضآء المنظمة في المقر الفرعي في ****...اكرر...."


سمعنا هالصوت من تلفونه اللاسلكي..

فتحت عيوني بسرعه..

وجفته يطالع فيني وملامحه لاانت..وباين عليه سرحان..!

شفييييه هذا..؟


استغليت الفرصة ونقزت..وشردت بعيييد فـ اخر الغرفة...

جفته انتبه علي..

كشّـــر..ورفع تلفونه اللاسلكي وقال " عُلــــم.."

رفع عيونه لي..وقال باستهزاء : هه وين بتشردين عني..وراج ...وراااااج..انا..!


توجه للباب..بطّله..وقال : عندي شغل الحينة...حساابج وياي بيكون عقب...!


طلع وبند الباب..

تنهـــــــــدت برآآآآآآحه..

وقعدت ع الارض بقوووة..

خلااص انهد حيلي..احس طاقتي كلها رااحت..

ريــــم..!

ريـــم ويينج..وشو صااااار ويااج..

يااارب ياااارب احميها منهم..

وقفت بسرعه ورحت صوب الباب..

افففففف..

الحقير قفله بالمفتاااح..

ياللــــــه..شو اسوي..

مافي هنـــي ولا دريشة..

جفت في باب فـ طرف الغرفة..توقعت انه حمام..

سرت بطلته وطلع توقعي صح..

طالعت فـ دريشة الحمام..

وآآيد صغيرة..ما تنفع..!

،

تميت ادور في الغرفة بتوتر..

لين و اخيــــــرن تبطّل البآب..

شهقت بفرررررحــــــه من جفت ريــــم..!!

دخلت وتبند الباب وراها..

وهي من جآفتنــي صرخت بفرحه..

حضنّــــا بعض..وو صحنــــــا..

مسكت ويهها بايدي وانا اصييييح..

قلت : ريم..حبيبتي..صار فيج شي..؟!! تأذيييتي.؟ سووا فييييج شي...قووووولي..!!


جفتها تشهق وتهز راسها بلااا..

قالت بصوت باكي : بس خفت..خفت وآآآآآآآآآآآآيد..

ودفنت راسها فـ صدري..

حمدت ربي انهم ما سوولها شي..


رفعت راسها بسرعه وطالعتني : وانتي ..سووا فيج شي..؟!

ابتسمت لها وقلت: لا.. الحمدالله..


مسحت دموعي..وسحبت ريم لين السرير وقعدنا ..

وو

كل وحدة فينا قالت شو صار معها..



\


علــــي..


،


كنت اسوق سيااارتي بجنوووون..لين وصلت الشارع المقصود..

كنت ادعي ان اللي فـ بالي مو صح..

فجـــر..فجــر..فجــر....اسمها يتردد فـ راسي..

يآآآآآآآرب ما يصير لها شي..!

طالعت في الورقة....6d يعني 6 ديسمبر..

يااارب ماكون تاخرت..6 ديسمبر اللي هو امس..!

والساعه 9 بالليل..!

الرمز الثاني هو عبارة عن رمز الانثى..!

و الرمز الاخير اكيد شي يشير للقتل..!

مشيت بالشارع ببطىء..

لين وقفت....وو جدام البيت المقصود..

بيت فجر اللي فـ الزاوية..!

ضربت السكّآن بعصبية..

رفعت تلفوني ...وظغطت ع الارقام بتوتر..

وو

رنـــة..رنتيـــــن..كأنهم سنـــين...

يلا يا فجر ردي...

افففف..

ما تردد..

رديت مرة ثانية ادق..

.

.

بعد ما ردت..

قلبـــي بدا يدق بقوو..

نزلت من السيارة بسرعه..وع طول توجهت لفوق..

وقفت جدام الباب..

مسكت المقبض مافيني صبر اكييد صار لها شي..

حاولت ابطّل الباب..بس مبند..!

تميت ادق البااب بقوو..

قلت بصوت عآلي : فجـــر...فجــــــر بطلي الباااااب....فجر ردي علي..

ما هتميت اني ازقرها باسمها الحقيقي وبصوت عالي بعد..

اهم شي ما يصير فيها شي...

.

.

انفتح الباب فجأة..

وظهرت فجـــر..

جفتها..شعرها معفوووس..وتفرك عيونها من النعاس..

وتطالعني وهي طفرانه : افففف علــــي...صووتك عآآآآآلي..بتزعج اليهّال...." تمططت" صدق حشرة..ما خليتني ارقد..وبعدين فضحتني لا تزقرني باسمي..


انا بعدني استوعب انها موجودة..!

ما صار فيها شيي......!!!

تنهدت برآآآآآآآآآحة...

الحمـــــــــدالله..الحمـــــــــــــدالله..

شقيت حلجي من الابتسامة..


طالعتني باستغراب : شفيك شقيت الحلج..؟ " طالعت ساعتها " مو كأنه واايد بدري...واليوم اجازة..! ليش يااي هالوقت..!


قلت : سآآلفة طويلة..بقولج اياها..

قالت وهي تفتح لي الباب : حتى انا عندي لك سالفة طويلة..


دخلت وقعدت ع الغنفة اللي في الصاله..

وهي سارت حجرتها..


كيف جــي..؟

ظهرت الورقة..معقولة اكون غلطان..؟

بس كل شي يدل ع هالبيت..افف..

مممم بس يمكن فشلوا في المهمة..؟!

او غيروا رايهم..؟


،


جفتها ظهرت من الغرفة وسارت المطبخ التحضيري..بطلت الثلاجة..وظهرت حليب..

وصبته فـ قلاصين..

ويت صوبي..

حطت جدام قلاص الحليب..

ويلست جدام وهي تشرب حليبها..

.

.

قالت بهدوء : اشرب حليبك عقب قولي السالفة..

قلت بابتسامة : ماحب الحليب.

قالت بتكشيرة : اشربه..وان ماشربته بشوتك برا..والسالفة الخطيرة ما بقولك اياها...

ول..!

شربت ربعه ..مب خايف منها..بس عسب ما اردها وهي يابته لي..


قالت : يلا قوولي الساالفة..


تنهدت..وقلتلها كــــــــل شي..!

.

.

بعد ما خلصت..طالعتني مصدوومة..

جفتها تعض ع شفايفها بقهر وخوف..

مسحت ع ويهها بتوتر..


قالت بصوت مرتجف : الجريمة امس استوت.......!!!!!!!!!!!



\



شهـرزاد..


،


كنت بعدني في السيارة متوجهه لوحدة من الحفلات اللي لازم أديها اليوم..

سمعت الدريول يالس يتحرطم..

شفيه هذا..؟

جفته كل شوي يلتفت وراا..

شسااالفة..؟

التفت ورا..جفت سيارة ورانا..

والدريول كل ما لف مكان..السيارة تلحقنا...!!!!

بسم الله منوو هذا..؟!

سمعت الدريول يدق ع حد وجنّه يقولهم السالفة..

.

.

بدت السيارة تدخل اماكن..والسيارة اللي ورانا بعدها تلحقنا..

لين رحنا الشارع العام..

رديت التفت ورا اراقب السيارة..

غريبة ليش لحقتنا..؟

معقولة تكون من طرف سليمان..؟

لا ماظن..الدريول على طول بيعرف..

.

.

فجأة وانا عيــني ع السيآآرة...يت سيارة ثانية مسســـــرعه...ولفّت صوب السيارة اللي تلاحقنا..

حاولت السيارة تتجاوزها..بس دعمت السيآآآآآراات الثاانية وتجلبت اكثر عن مرة واخر شي ضربت فـ عامود اللّيت لين طاح العآمووود...!!!!!!!!!!!!!


هنــــي انا كنت حآآآآآآآآبسة انفااسي لين طاح العامود ع السيارة وهشّمها وشهقت بصووت عالي..!!!!!

يممّــــــــه..!!!

جفت السيارة اللي كانت السبب..اختفت بلمح البصر..!!!

انقبض قلبي بخووف..وانا اشوف الحادث اللي صار جدام بثواني...!

حاولت اجووف اذا حد ظهر من السيارة او لا..ياارب ما يصير له شي..

بس الحااادث وآآآآآآيد قوووووووي..

حسيت بسيارتنا تسرع مبتعدة عن المكان..


قلت بسرعه : كومار..لا تسرع خفف شوي..ابي اجوف شو بيصير..

كومار بتوتر : لا لا..خلي يولي..مو لازم..بعدين انتا في يتأخر..


رديت التفت لورا..ابتعدنا..ما قدرت اجوف شي..

لحظة...!!!

بسرعه صديت صوب كومار..

هالسيارة كانت تلحقنا..ووو عقبها كومار كان يكلم حد ووو صار الحادث..

لااااايكووون..........

قلت وانا قلبي يدق بسرعه : كوووماااار..انت كلمت سليمان عن السياااارة صح...! سليمان هو السبب في الحااادث.....صح ولا لا...رد علي..

قال وهو يمسح العرق عن جبينه : أأ..أنا ما يعرف.." لف السيارة بعصبية " كلااس..سيارة بروهه يسوي حادث..ليش انتا واجد يسأل...افف..!


رديت سندت ظهري ببطىء..

تأكدت شكوكي..

رفعت ايدي.جفتها ترتجف...

غمضت عيوني..

موقف مخيييف..

في لحظة صار حادث..وعادي الحينة يكون ميت..

اصلن اشكّ انه نجا منه...!!

بس منوو هالشخص..؟

وليش لحق سيارتنا..؟

.

.

وصلنا وانا مالي خاطر فـ شي..قلبي بعده يعورني ع الحادث..مع اني ما عرف الشخص اذا طيب او شرير..

بس مادري ..حسيت بأمل يوم جفته يلحقنا..

يمكن عرف عن سليمان و قومه..؟!

ولحق ورانا يبا يعرف اكثر......او ........يبا ينقذني..؟

افففف..شو هالافكار السخيفة..الحينة شو بيعرفه فيني..؟

بس..بس مافي تفسير الا هذا..انه عرف شي عنا..ولا كان سليمان واتباعه ما تعرضوله..!

.

.

قطعت افكاري من سمعت الكوفيرة تزقرني..تبا تعدلني حق الحفلة..

سرت عندها وانا للحين الافكار تدور فـ راسي..



\


موقع الحادث..

،

وصلت سيارات الاسعآف والشرطة..وفريق الانقاذ..

وبدت محآولتهم محاولاتهم في انقآذ الروح الموجودة تحت برآثن الحديد المتكوِّم فوقها..!

الكل يعتقد انه من المستحيل ان يخرج جسدا من كومة الحديد تلك بروحِهِ..! بل متيقنين من خروجه جسد بلا روح.!

تمتم البعض له بالرحمة..ولاهله الصبر..

ف قد يخرج وهو مقطّع لاشلآء..

.

.

وبعد محآولات..ومحآولات لاستخرآجه..

خرج اخيــــرن..!!

وكانت صدمتهم..أن قلبه لازال ينبض..!

ولكن حالته حرجة جداً..!!

وبالطائرة المروحية نقلوه لاقرب مستشفى...ووو الى العنآية الفآئقة..!


\


فجـــــر


،


كلآم علــــي صدمني..وو خوفنــــي...!!

بس وآآآيد تآخر...تأخر....يمكن كنّآ نقدر نسوي شي..

يآآآربي..ابدن ما توقعتهم يقتلونها..انزين ليييش..؟ وكيف..؟

ماظن ان لها علاقة فيهم..

والله شي يخّووووووف...

وآآيد قريبيين هم..

.

انتبهت لعلي اللي يهزني من كتوفي يصحيني من افكآري..


علي عاقد حواجبه : أي جريييمة..تكلمي...!!!!

قلت بحزن : كل اللي قلته صح..صآحبة هالبيت هي اللي مآآتت..!!!!!!!

طآلعني متفاجىء ..وقال : مـ..مآآآتت...!

هزيت راسي : وآآيد تأخرت.." تنهدت" يمكن كنّا نقدر نسوي شي..


رد قعد ع الغنفة وهو مصدووم...!

جفته يمسك رآسه بقهر..

عقبها التفت لي وقال : قوليلي شو صآر....؟!


.

.

قلتله ككــــل شي..

استغرب شرآتي....ليش قتلوها هي..؟ شو ممكن تكون سوت..؟ انا ما جفت ان لها علاقة بابراهيم..او حتى يوسف..


قطع علينا صوت يآهل يصيح..

رحت بسرعه الغرفة..

جفت نوف الصغيرة تصييح ..شليتها بسرعه وحضنتها وحاولت اهديها..

عورت قلبي وهي تزقر امها..

بستها ع خدها..حاولت اضحكها..

ماشي فايدة..بعدها تصيح..

ظهرت عند علي..

تعجب يوم جافها..

ما قلتله اني حطيتهم عندي..

قلت اجاوب ع نظرآته : يبتهم امس عندي لين ما اهلهم اييون يشلونهم.. " كملت بحزن " هم الشاهد الوحيد على مقتل امهم..

حرآآم والله..جافوا امهم تموت جدامهم..صدمة كبيرة لهم..!!!


هزّ رآسه بأسى..

طالعت فـ نوف اللي بعدها تصيح بس بصوت خفيف..وتطالع فـ علي..

قلت بحنان : نووف حبيبتي تبين حليب..؟


طآلعتني ببراءة وحطت صبعها فـ حلجها..

ما ردت علي..بس صيآح شبه وقّف..

بستها بقووة ع خدها..

قلت : بييب لج حلييب حلووووو وآآيد وآآيد..


جفتها ابتسمت..

ضحكت عليها..

ومسكتها عدل..وفرييتها في الهواااا..

جفتها استانست وبدت تضحك...لاعبتها شوي..

عقب عطيتها علي..

وسرت اييب لها حليب واسويلها ساندوجية..


\


ريــــــــم


،


باللّيل..

،

فتحت عيوني....وانا احاول استوعب انا وين..

التفت ..جفت مريم رآقدة عدالي..

تذكرت اللي صآر..

يآآآربي سآعدنا وانقذنا منهم..

.

.

تذكرت اهلي..

يا ترا هم متخبلين علي..؟ شو يسوون الحينة..؟

خاطري اكلمهم..ع الاقل اطمنهم علي.

بس..بس اكيد بزيد من مخاوفهم..

وشو فايدة اني اكلمهم واعطيهم امل اني ارد ويمكن مآآ ارد لهم..

،

طآلعت فـ مريم كنت بقعدها من رقآدها بس غيرت رايي...خليها ترتآح شوي من اللي هي عايشته الحينة..

بــس نشّت بسرعه يوم سمعنا حد يبطّل الباب..

.

.

ودخلن حوالي خمسة..اشكالهم من الجنسيات الاسوية..وكلهم نفس اللبس وتقريبن الشكل بعد..

ما لحقنا نستوعب شو يبون..الا و حسينا بقطعة ع خشمنا...وووو........



//


\


جميعهم في مركز الشرطة..في انتظآر أي خبر عن قطعة فؤادهم اللتي اختفت في لمح البصر..!

أيآآم وأيآآم وهم في حآلة توتر وبحث مستمر عنها..!

ستآر الغموض حول كيفية اختطآفها لازال مجهولا..

وفرق البحث تبذل كل وسعها..

والشكوك بدت تحوم انها اختفت بملىء إرادتها..بسبب عدم وجود أي دليل على اختطآفها..

،

دخلت عآئلة مريم على الظابط..

وما ان رأوه يهز رأسه بأسف ..بما يعني انهم لم يجدوها..

حتى انهارت الأم والأخوآت..!

واليأس تسلل للاب والإخوة..!

.

.

خرجوا من قسم الشرطة منكسين رؤوسهم بعدما أعلمهم الظابط انه سيستمر البحث لشهر وآحد فقط..

الا اذا وجدوا دليل على اختطآفها..

عآدوا الى منزلهم وألسنتهم تدعوا لها بالعودة سآلمة..!


،


وانهآرت ايضاً عآئلة ريم..!

ولــكن هنآك ما لفت انتبآه فرقة البحث عن المفقودين..صورة التوأم ..واختلاف عآئلتيهما..!

واختطآفهما في نفس اليوم..

ونفس الوقت..

ونفس المكآآآن..!!!

فأرسلوا تقريرا عنهما..للتحقيق في الامر..

وجآري معرفة الســرّ..


\



مريــــــم


،


فتحت عيونــــي وانا احس بخموووول شديــــــــد..

ورآآسي يعووورني..

حاولت اتعدل..

....؟!

ماقدر..

بطلت عيني عدل..وانا بديت استوعب اللي يصير..

حركت ايدي اللي مربووطة ورااي..

بسرعه طآلعت عمري..

يالسة ع كرسي ومربطيني..!

هييييي...شهقت بصوت عآآلي..

ليش شكلي جـــي..!

لابسه فستآآن قصير لين تحت الركبة بشوي..

وشعري مبطّل ...!!!!


سمعت صوت ضحكة استهزء خفيفة..

رفعت راسي بسرعه اطالع جدآآم..

هييي..حقيــــــــــر..

شو يسوي هنـــــــــي..!؟

يالسة ع غنفة جدآمي..و فـ ايده اوراق يقراهم..ويشرب عصير مادري بلاوي..


قال وملامح السخرية ع ويهه : صحّ النوم حبيبتي...وآآيد طولتي..


دق قلبــي..

وفيني غصّة..

كيف سوو فـ شكلي جي..وبدوون ماحس بعد...!

صديت عنه مابي اجووفه الكرييييه..

تفاجات بريم..

ونفس حآآلتي بالظبط..

وكأني اجوف نفسي..

كانت بعدها رآقدة ومو حآسة باللي حولها..

.

.

جفت الباب تبطل ودخل ربيعه هذا منصوور..

طآلعني وقال لمحمد : الحينة هذي مالتي ولا مآلتك..؟


طعع!!

الحينة انا استويت مآلت حدد..!

تنرفزززت..!!


قال وهو يطالعني بابتسامة : لا هذي ملكي أنا....!


انقههرت..

ومن عصبيتي ظهرت لسآآني له : نننااانناا..

سمعت ضحك بصووت عآآآآلي..

متعممد يغآآيضني الدب الخسف..الــ ...آآه كل شي مب حلوو في الدنيا..!


قالي : أفاا ليش الحلوو معصصب..؟

قلت وانا اطالعه باحتقار : لاني انا مب ملك لحد.." رفعت صوتي " فآآآهم..!

ابتسم ابتسامة نرفزتني : لا انتي ملكي..ملكي انا وبسس..!

قلت وانا ابتسم احاول انرفزه : يخسسي..!

قال : هه بنجووف..!!


جفت منصوور يقرّب من ريم..

مد ايده ومسك ويهها..

رفع ضغغطي قلت : لاآآآ تلمسها...!!!!!


رفع حواجبه يطآلعني..

قلت اهدد: لا تلمسها ولا يآآويلك..!


الحقير لبسّنـــي..و تم يحرك اصابعه ع ويهها يباها تصحى..

ويزقرها بصووت هآآآدي..

جفتها تبطّل عيونها شوي شوي..

خفت عليها..

الحين بتنصدم يوم بتجوف هاا فـ ويهها..!

و شوي شوي بدت تستوعب...

شهقت بصوووت عآلي لما جآفته قريب من ويهها..

بآسها بسرعه ع خدها..وابتعد وقعد حذآل ربيعه..

حققيــــــــــر...!


سمعتها تصرخ بعصبية : يالحقيير..يالنذل..يالدب..يالخسف..ياآآ يآآآ

تباا كلمات تعبر بس ما حصلت..

صرخت بقهههر..

.

.

هدت ريم..

عقب طآلعتني وهي متفآجأة من حآلنا..!

تنرفززت لانها استنتجت انهم هم اللي سوو جي فينا..

.

.

اكتشفت ان ها محمد بس يحآول ينزرفزني..يمكن يبا ينتقم مني..! ماعرفت له للحينة..وشو اللي ناوي عليه..

اما ها منصور..فـ اجوفه يحآول يتقرب من ريم..اللي ترده بعصبية وبعنف..


.

.

مرت سآآعة ونص ع هالحآآل..خلاااص احس صدق تعببببت..

جسمي كله يعوورني..غير انه مافيني طآآقة..مادري متى اخر مرة أكلت..!

حسيت بضييقة ..

جفت محمد يولع زقآرته..

اووهوو هاللي نآقصته بعد..

بروحي عندي ربوو..وفيني ضيقة الحينة ويالله يالله اتنفس عدل..!

لااا..

و جفته سحب كرسي..وقعد مجآبلني..

صديت عنه مابي اجوف رقعه ويهه..

.

بدآآ يدووخ..

والدخآآن خنقني..

وانا اكح..واكح..وهالغبي ما حسّ..

بس فآلح يسولف ويقرقر عند رآسي..


انصدمت لما مسك ويهي وخلااني غصب اطالعه : انا يوم ارمسج لا تسويلي طآآف ولا ترا بتندمين..!!


حركت راسي بعصبية ابعد ايده..

طآلعني ببرود..

وزفر الدخآن فـ ويهيي...

هالمرة ما قدرت اتحمل..

كحييييييت بقوو..

وشهقت أحاول اسحب أكسجين..

مافي فايدة كل اللي اسحبه دخآن..

ويهي بدا يزررق..

حسيت الدنيا بدت تسود..

ابا اتكلم..

ابا اقووولهم اني اباا هواااااااااا..

اخر شي جفته..

يعق زقآرته..

و قرررب صوووبي وشفايفه تتحرك..

بس ما كنت اسمع شي...

وو.... دخلت في الظلام..!


\



ريــــــــم

،


من جفت مريم وويها مستوي اززرق..

قلبي وقف من الخوووف...

لين صرخت بقوة على محمد..يوم جفت رآسه يطيح ع صووب..

: بععد عنها ....خنقتهاااااااا بالدخآآآآآآن..


جفته يعق زقآرته بسرعه..وقرب منها..

تم يهزها يباها تقووم..

يكلمهها بس ما ترد..

هنــي ما قدرت امسك عمري اكثر..

صححت بصووت عآآآآلي..

: الله يخلييييييييييييج لا تموووتين..قووومي يلاااا...لا تخلييني برووووحي....ممميــمي..اقوولج قووومي..


صرخت علييهم..اباهم يفكّووني..

جفت محمد يشلّ مريم..

وحطها السرير..

و منصوور يكلم حد فـ تلفونه..

.

.

آخر شي رحمني منصور وفكّني..رحت طيرآآن صوبها..

حضنتها..بستها..ترجيتها تقووم..

ما اتخيل اني افقدها..

كيف بتم بروحي هنــي..!

منو بيدآفع عني.؟

منو اللي بيطمني..؟

هي مصدر الامان لي..


حطيت رآسي ع صدرها وتميييييت اصييح واصييح..

والافكار السودا تدور فـ راسي..

لين ما منصور سحبني بالغصب..يوم وصل الدكتور..


حاولت ابعد عنه...بس هو مآسكني عدل..

تميت أقاوم..لين حسيت باليأس..لانه اقوى عني..

وو

هديت لما جفت الدكتور يحط لها اكسجين..

وو

قآل ان هاي ازمة ربوو..

ربوو.؟

ما قالتلي..؟


،

عقب شوي راح الدكتور بعد ما قال توصياته..

طآلعت فـ محمد الحقير...

صرخت عليه : كللله منك..كنت بتموت اختـــــي..خنقتها بزقآآرتك..والله...وانا حلفت..والله لو صار لها شي بسببكم بتجوفون شي ماجفتووه فـ حيآتكم..


سوالي طآآف..ويطآلع مريوم الرآقدة وعليها الاكسجين..!

حقيير...معفّن..


التفت للحقير الثاني : خلاااص هدّني اجوف..


تركني بهدوء..

رحت صوب مريوم..وقعدت عدآلها..

مسحت ع رآسها..

ودمعت عيني مرة ثآنية..

كنت بفقدها اليوم بلمح البصر..!


\



~| نهآية البارت السادس عشر |~
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
لهفة شوق♥



انثى عدد الرسائل : 181
العمر : 25
الموقع : جدة
تاريخ التسجيل : 03/09/2012

مُساهمةموضوع: رد: رواية همس الموت | Whisper death    الأحد نوفمبر 04, 2012 6:20 pm

روووعه. حماااس استمررري
وبنتظارك غلاي
........
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ASOOMY.M ♔



انثى عدد الرسائل : 586
الموقع : qatar
العمل/الترفيه : طالبة
تاريخ التسجيل : 25/07/2012

مُساهمةموضوع: رد: رواية همس الموت | Whisper death    الأحد نوفمبر 04, 2012 7:15 pm

لهفة شوق♥ كتب:
روووعه. حماااس استمررري
وبنتظارك غلاي
........

انتي الاروع حياتي
نورتي drunken
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Al-Queen ???



انثى عدد الرسائل : 304
العمر : 26
الموقع : القصييم
العمل/الترفيه : ولاا شي
المزاج : مبسووووطه
تاريخ التسجيل : 21/08/2011

مُساهمةموضوع: رد: رواية همس الموت | Whisper death    الأحد نوفمبر 11, 2012 12:23 am

.

موو كنو طوولتي Smile
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Al-Queen ???



انثى عدد الرسائل : 304
العمر : 26
الموقع : القصييم
العمل/الترفيه : ولاا شي
المزاج : مبسووووطه
تاريخ التسجيل : 21/08/2011

مُساهمةموضوع: رد: رواية همس الموت | Whisper death    الثلاثاء نوفمبر 27, 2012 7:39 am

....


براائه. Neutral
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
BESHO ♥



انثى عدد الرسائل : 166
الموقع : بغرفتي
العمل/الترفيه : طالبةة
المزاج : ططططفشششانةة
تاريخ التسجيل : 17/07/2012

مُساهمةموضوع: رد: رواية همس الموت | Whisper death    الإثنين ديسمبر 03, 2012 6:34 am

كمممليها بلييز
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ASOOMY.M ♔



انثى عدد الرسائل : 586
الموقع : qatar
العمل/الترفيه : طالبة
تاريخ التسجيل : 25/07/2012

مُساهمةموضوع: رد: رواية همس الموت | Whisper death    الإثنين ديسمبر 03, 2012 7:14 am


سسوري حبايبي اادري تاخرت بس صارت عندي ظروف عشان جي ماقدرت ادخل المونت

~| البارت السابع عشر |~



\



مريــم..




،


فتحت عيوني ببطء..وجفت فـ ويهي ريم..

دموعها كانت تنزل ع خدها..ومن جافتني بطلت عيونها..حضنتني بقووووة وهي تشآآهق..

ما قدرت الا اني ابتسم وامسح ع راسها بهدوء..


،


بعد ما هدت.. تنهدت ..لو قتلوونا من البداية كنا الحينة مرتاحيين فـ قبوورنا..

الحينة ما بينقذنا منهم الا ربــي..!

يآآرب سآآعدنا..!

.

عدلت من وضعيتي ..بقعد...منعتني ريم..بس قلتلها اني بخير..

بقوم بصلي..وبدعي ربي..هو املنا الوحيد..

.

طآآلعت فـ شكلي...

بعدني لابسة الفستان القصير..

كرهت عمري..

كنت لابسة عبآتي..

وشلوها عني ولبسوني هالشي..

انقهرت منهم مادري كيف تجرأوا.!

وقفت..

يتني دوخه خفيفة...وو حاولت امسك عمري..

توجهت للباب الحديدي الابيض والمزخرف..

.

ضربت الباااب بقووة..وانا اصررخ عليهم..ابااا اي حد ايي..

بعد فترة..حسيت انه ماشي فايدة ومحد بيي..

.

بس جفت الفتحة الصغيرة اللي في الباب انفتحت..

وظهر منها ويه ريآل يخوف شكله..

حاولت ما اظهر خوفي له..


قلت بنبرة قوية : اباااا اغراضي اللي شليتوها..

طالعني باستنكار وكانه مافهم شو قلت..

جفته يصد ويكلم حد عداله..

بس ما فهمت شو يقول..

.

جفت ريم اقتربت مني ومسكتني..

ريم برجاء : مريوم مب وقته الحينة...انتي تعباانة..ارتاااحي وعقب يصير خير..


قطع علينا ويه ثااني ظهر ..

قال بنبرة استهزاء : خييير....!؟

قلت باحتقاار : اقوولكم ابا اغراااااضي اللي خذتووها..


مارد عليّ...بس قفل فـ ويهي الفتحة...

رفسست البااب بقهر...

وريم سحبتني لين السرير..وقعدت علييه..

.

مرت خمس دقاايق.

عقب انفتح البااب..

و كل ما ينفتح هالباب...قلبنا لا اراديا ينقبض..!

دخلوا اثنيين.....او بالاصح.................... ثنتييين..!!

شكلهم يخررررع..معضلااات..وملامحهم صآآرمة...عيونهم تنطق منها القسوة..!

جفت وحدة منها ماسكة كيسة..وفرتها في الارض..

وو نتاثرت اغراضنا..

وو عقبها..ظهرن شرات ما دخلن..

تنهدنا براحه انا وريم..

ع الاقل ما عارضونا..

.

بسرعه خذت اغرااضي..

ودخلت الحمام ابدّل هالفستان اللي مضآيقني..! ونفس الشي سوته ريم..


\









فجــــر..





\






اليــــوم اجازة عند الشباب..وانا وياهم ما عدا التمارين اللي بالليل..مستحيل يوسف يرحمني منها..

علي بعد ما كان عندي الصبح..ظهر مادري وين رااح..

وقبل شوي ردّ ..عسب نتناقش في جريمة القتل اللي صاارت..

وانا طول اليوم اهتم فـ اليهّآآل..

الغريب ان ابوهم بعد ما رد من السفر..وو ولا حد من اهلهم يوو يا خذونهم..!

.

.

بعد ما سوت اكل لليهآل...اكلتهم ..وتنااقشت ويا علي..

شو اللي ممكن نسويه..

المشكلة ما عندنا الا دلييل واحد بس ان الجريمة صارت..

اللي هي الشفرة..!

اما شهادة اليهّال ماظني يقبلوها..

واللي محيّر الشرطة....اداة القتل...وينها..؟ وكيف اختفت...واساساً كيف انقٌتلت الضحية..؟

مافي شي يدل ع الجريمة الا الكلام اللي مكتوب عند راسها..

وبعدهم مب متأكدين منه..

و قبل هذا ...سوو مسح للبصمآت وما حصّلوا اي بصمآت غريبة..!؟

شي محيّر..

بصرآحة ما استغرب هذا على قوم ابرآهيم..

احسهم صدق نااس خطييرة..وو محد يقدر لها..

.

.

طالعت فـ سآآعتي..

نقززت بقووووة..يآآآآربي...بتأأأخر...!!

باقي خمس دقاايق ع الوقت اللي لازم اكون متواجدة في الصالة الرياضية..

يآآويلي من يوووسف..

.

علي التتفت لي : شفيييج..؟

.

مارديت عليه..لاني بسرعه رحت حجرتي وخذت شنطتي الريآضية..

وظهرت وانا اركض صوب مكان جوتيي..

وقلت لعلي وانا البس الجوتي : الله يخلييييك..اهتم فيهم..هذيلا أمآآآنة عندك..!

وقفت وقال : تريي بوصلج..

هزيت راسي بلاا : جذي ولا جذي بتاخر..انت تمّ عند اليهآل...آآسفة والله ادري وهقتك فيهم..بس تحمّل عشآآنهم هم..!

همست وانا اربط جووتيي..: يآآويلي من يووسف..صدق هالمرة بيقطعني..

قال علي فجاة بصوت غآآضب: اتحدآآآه يسوي فيج شي...الدنيآآ فووضه عنده يمد ايده عليج متى ما يباا..؟


طالعت فـ علي اللي صددق شكله معصب..اول مرة اجوفه جذي..؟

طالعت فيه وانا ممتنه له...

شعور حلوو لما تحس ان في حد يدافع عنه وما يرضى عليك..!

وابتسمت اطمنه...

وو..ظهرت وانا اركض..


،


وصلت الصالة..وانا متآخرة عشر دقآآيق...!!!

وقفت الهث عند الباب...

حاولت اهدي نفسي قبل ما افتحه..

دخلت بهدوءّ..عكس الخوف اللي دآخلي..

مشيت لين وصلت المكان اللي فيه يوسف..

قاعد يقرا كتآب ويشرب كوفي..

وقفت اتريااه يتكلم..

يالله متى بتعدي هالليله...؟

ابا ف هاللحظة..ابطل عيني..واكون في البيت ....واكون انضربت وتكفخت وخلصت..

.

جفته يطآلعني من فوق نظآرته اللي كانت منزّله شويه ع خشمه..

حاولت..اخفف من دقّآآآت قلبي اللي تدق بعنف..

جفته يبند الكتآب بهدوء ويحطه ع الطاولة اللي جدامه...اظنّي هاللّـي يسمونه الهدوء ما قبل العاصفة...!!؟


قال بنبرة جافة..: عندج عذرر ع هالتاخير....؟

.

استغربت..هه..! عذر..؟!! من متى يطلب مني تبرير ع تاخيري..؟ حتى ولو قلتله عذر..ماظن اسلم من ضربه..

كان جوآبي هو الصمت..!

وقف..

واقترب منّـــي..

بلعت ريجي..

حاولت اهدي نفسي....

خلاااص يا فجر..يعني لازم تكونين تعودتي ع هالشي..

اوهوو..قلت لا تخاافين..هي الا ضربتين..وكفختين ..وصفعتيين..وانتهت السالفة..!

هييه..صح..بس..بس..اكييد يعوور..

لا ماعلييج..هي صح شوي بيعوور..بس خلااص عقب بيتخدر جسمج وما بتحسين بشي..

.

كنت اطالع فـ عيونه وهو يقترب مني..

احس هالمرة عيونه تنبض بشي غريب....شي مخيف..وو بالشرر..!

اقترب مني وصرت اسمع انفااسه اللي تعكس غضبه الداخلي..

رديت خطوتين لما حسيت انفاسه بدت تحرقني من غضبها..

بس هو ما زال يقترب..

وانا اتراجع..لين..لصقت فـ الباب الزجاجي اللي دوم يراقبني منه..

هالمرررة..صدق..خفت ...ريوولي ترتجف..احس ماقدر اتحرك..

.

حط ايده ع الباب اللي وراي بالظبط ورا كتفي....

وكانه يمنعني من اني اتحرك...اصلن ريولي ما تقدر تمشي...

حسيت وللمرة الاولى انه طوييييل...يمكن كان طويل بس ما نتبهت الا هالمرة..لانه قريب مني وآآيد..وانا صغييرة واااااايد...

كان منزل راسه ويطالعني..

نزلت رااسي..

اولا خايفة بدرجة فضيعه..

ثانيا..منحرجة بقووة..

ع فكرة انا بنت لو نسى...!

.

سمعت يهمس.. : ما رديتي علي...؟؟ ابا اسمع عذرج هالمرة..

.

مارديت عليه....

بس غمضت عيوني لما حسيت انفاسه السريعه تحرك خصلاات شعري..!!!

مسك ويهي بخفة..ورفعه واجبرني اطآلعه..

قال وحسيت انه يجاهد عسب يبين انه هادي : ردي..لا تطنشيني....." شهقت لما حطّ جبهته ع جبهتي وعيونه بعدها معلقه بعيوني " ليش تأخرتي عليّ....؟؟!!!!

.

حاولت احركّ ايدي ابا ابعده....بس جسمي كله منشلّ من الحركة..!!

شفيييه هذاا....!!!

ليش جي يسوي فييني...!!


اخيرن انقذني لسآني وبدا يتحرك : مم..ماكنت منتبهه للوقت...


فجأة تحوولت ملامحه للقسوووة..قلبي طآآآح فـ بطني..

هذي اول مرة اجوفه يعصّب جي..او ملامحه تكون قآآسية لهالدرجة..صحيح انه دوم يضربني..لكن ملامحه تكون بااردة...ويكون هآآدي....عكس الحينة....!!


لمحت شفايفه اللي رسمت ابتسامة سخرية.. وقال : وو ليش الحلوو مانتبه للوقت..؟

تلعثمت ..شو اقوله الحينة....خلااص مانتبهت وخلاااص..

مسك خصلة من شعري وتم يلعب فيها...يتريااني اجاوب ع سؤاله..

ماقدرت اخفي صوت انفآآسي المتسارعه..واللي بيّنت له اني خاايفة..


قال : أنااا اقوولج ليش مانتبهتي...." شدّ خصلتي لين حسيت بألم " هه كيف تنتبهين وانتي ويا حبيب القلـــب..............علي..!


شهقت فـ داخلي...ياربي..شو ياب سيرة علي الحينة...لايكون عرف............................؟!

رفعت نظري اطالعه..


رفع حواجبه : كيف عرفت...؟ باختصار..لاني اعرف كل شي عنج.....!؟ كلللل شي.....!.هه كلله ويا علــي..ما مليتي منه...؟

.

يممّه...خفت زياادة بعد كلامه..

.

قال بحقد وكره : ماتدرين شكــــثر اكرره هآآآالعلـــــي..!! خآآآطري انهييه من الوجوود...! تدرين......لو حصلت شي يدل انه يعرف حقييقتج.....بستآآنس..لاني باختصآآر بقتله وبشرب من دمه بعد..


قلت بسرعه ادافع ومادري كيف نطقت : علـــي ما يخصه..ماسووا شي...وووو..اصلن مافي اطيب منه..ووو ماظن انه سووا لك شي عسب تكرهه لهادرجة...!!

.

ماحسيت الا بايده غرسها فراسي كانها مخاالب ذيب.....!

وضرب راسي في الباب ..!!!!


تأوهت بألــــــــــــــم...!!!!!!

حسيت بدووخه من الضربة...و ماصرت اجوف عدل..

.

قال بغضب : لاااااا تدآآفعين عنه.....لا تخليني الحينة اييبه واذبحه جدآآآآمج...

شسسوآآآآآ...؟! يكفـــي انه اخـــذجـ....." قطع كلامه..وعقب كمّل".......... مايخصج شو سسوآآآ..كيفي..انا اكرهه...جي..ما ابلعه..

.

مانتبهت شو يالس يقول بالظبط...لان الالم كان اقوى بواااايد من اني اقدر اسمعه..

بس فتحت عيوني استوعب يوم قاال....: جآآآوبي ع سؤااالي ...تحبيينه.....؟!

.

شوو..؟ شو يالس يخربط هذا...؟

غمضت عيوني بالم لما شدّ ع شعري بقوة..يبااني اجاوب..

.

قلت بألم من راسي : شـ..شو احبّه..ماحبّه...تستهبــ........" صرخت بالم لما ردّ وضرب راسي ..احس الزجاج بيتكسسر اخر شي.."

قال : قولي هيييه ولا لااااا..

قلت وانا امسك رآآسي بالم..: مآآآآآآآآآآآآآدري...!!


ماحسيت الا ورآآسي..وظهري ينضربون بالارض بقوة...

هالمررة صدق احس اني بمووووووت...!!!!!!

نزّل مستواه ع الارض عدآلي..

و مسكنّي من ذقنــــي بقوة....صرخ : جآآآآآآآآآآآآآآآآآآوبي..

كنت ارتجف بقووة...

قلت : لـ..ليش تسـ سألني هالسـ...ؤال.......؟

.

جفته بعدني عنه بقووة....وكأنه حسّ بعمره...

عقّ نظآرته ع الطاولة....ومسح وييهه بايده...يحاول يهدي نفسه...اووو...يفكّر فـ جوآب لسؤآآلي....؟

حسيت المكان استوا هآآدي الا من صوت آنيني..

احسب الم يقطع ظهري لانه طيحني بقووووة...ورآآسي خلااااص اظني انقسم نصيين..!

التفت اطآلعه..

بس لفت انتبآهي شي يسيل ع الارض....وو عدال رآآسي....

دم....!!!!!!!!

حركت ايدي بصعووووبة...وتحسست راسي من وراااا...

حطيت ايدي جدام ويهي اجوف....

كلللللها حممـــــــــرآآ بشكل يخوووف وتقطّر دم...!!

يآآآآربي...شكلي ما بطلع من هالمكان الا على قبــري...!

جفته التفت لي...بس ما علّق...

اقترب مني بهدوء..وقعد ع الارض عدآلي..

ملامحه كانت جامدة..

طالعته بنص عين مفتوحة..اتريااا القآآدم اللي بيصير..وبعدني أئِنّ بألم..

تأمّلته.....شكله بدون نظآآآرة برىء......!!!!

عكس اللي داخله...

هالانسآآن احس مستحييل حد يفهمه....!!

.

مسك ايدي اللي مليآآنة دم..

وتمّ يتأملها....عقب ارتسمت ابتسامة سخرية ع ويهه..


قال : ليش اسالج هالسؤال........؟ ممم....لانج لو...ركزي ع كلمة لو......لو فكرتي بس تحبينه.....؟ فـــ بذبحج انتـــــــــــي وهوو........" سكت شوي عقب ضحك باستهزااء " حتى ولو افترضنا انج حبيتيه......؟ شو بيكون موقفه لما يعرف انج بنت...؟

مسكني من ايدي وسحبني بقوة لين قعدت ...بديت ادوخ من هالحركة السريعة..خصوصا وراسي بعد ينزززف..

كنت بفقد توازني وبطيح ع الارض ..لكن هو ماسكني..


قال بامر : رفععي رآآآآآســــج....


رفعته بصعوووبة...

أشّـــر ع صورتي المنعكسة ع الزجآآآآج...


قال باشمئزاز: هااا شكل بنت.....؟؟؟؟ جوووفي شكلج....! صووووتج الخشن..شعرج....جسمج اللي ابدن ما يبين انج بنية.." مسك ذقني وتحسّسه" هه وشكله بعد بتطلع لج لحية..!!...هههه صدقيني لو علي عرف انج بنية....بينصدم...ووو.....

.

ماقدرت اتحمّل...

قآطعته بألم : بـ..بــــسّ..اسسكـــــت....جــــ ـب و لا ..كلـ..مة...!! " حسيت انه تفاجىء بس طنشت وكملت ...أشّررت ع صورتي المنعكسة " منوو اللي سـ..ووا فينـ ـي جي...؟ هااه..؟ رد علـ..ـيّ...؟ مب انتـ..ـوو...! مب انتو الـ..ـلي سلبتـ...ــووو منـ.ـي كل شي.....كل شـ..ـي فـ هالدنــــ..ـيا..واقلها..انه يتم شكلي بنيــــ..ـة.." ماحسيت بعمري وانا اشهق بصوت عالي ودموعي تنزل " كل شي حرمتــ....ــــــوني منه..وعذبتــ.ــووني..

واستخدمـ..ـتووني اداة توصـ..ـلكم للي تبوونـ...ــه..

والحينة....الحينــــ..ــة متقــ..ـزز من شكلـ....ــي اللي انتو اصلــ.ـ.ن سويتـ....ــووووه...؟

" ماقدرت امسك نفسي..بكييت بقوووة " انتوو السبــ..ـ.ب في اللي انا فيه...اكررهــ.ـكم..اكررههـ..ـهكم.....ياللي ما عنــ.ــدكم قلــ....ـــب....!!!!!

وانــ..ــت...انـ..ـــت بالــ..ـذآت...أحقــ..ــر مخلــ..ـوق عنـ..ــدي فـ الارض..!!!!!!!!

.

ما قال ولا شي....!

بس حط راسي ع الارض بهدووء..ووقف ..خذ نظارته وكتآبه من ع الطآولة..

غطييت ويهيي بذرآآعي..وصحت بالم..

سمعت صوت خطوآآته تبتعد..وشكله بيرووح..

بس وقف ....

وقال باستهزاء : صوووتج يلوّع.............لا تصيحين..

وو ابتعد..


هني زآآآآد صيآآحي بقهر والم..








\
،


بعــــد فترة مرت...قدرت اوقف بصعووبة ع ريولـــي..

وشكله النزيف وقف..

خذت شنطتي...

ومشيت اسحب ريولي لين البيت..!

،


واخيــــرن وصلت...طالعت فـ ساعتي..12:30

مابغييت اوصل..وزين ان هالوقت اغلب الناس تكون فـ بيوتهم..ولا جآن صدق خافوا من شكلي..

ويهي منتفخ...وبدلتي كلها مغطيها الدم...

.

مادري علي بعده موجوود...؟

افففف..

مابيه يجوفني وانا بهالحالة...

.

شوو اسوي...؟

ظهرت مبآآيلي... ورحت انخشيت فـ مكان قريب..وقعدت فيه بتعب..

عقبها دقيت ع علي ....

.

علي: آآلوووو.. فجــــر..وييييييينج....؟ ليـــــش تأخرتي...؟؟؟؟؟

قلت واحاول اكون طبيعية : هلاأأأأ علي... انا الحينة بيي..تأخرت لان الكابتن عطآني تدريبات مكثفة...هههه اونه يعآقبني..

علـــي بشكّ : متأكدة مافييج شي...؟

قلت اطمنه : هييه تطمن...." قلت اغير السالفة"..اليهّآآآل رقدوا ولا بعدهم....؟

قال : لا ..كلهم رقدوا من وقت..مع انهم خايفين يرقدون بروحهم..هههه اضطريت ارقد شوي وياهم..

قلت : ههه..حبااايبي والله..بعد متاثرين باللي صاار..." سكت شوي "..مشكووور علي ما قصرت...واسمحلي تعبتك وياااي..

علي: أفآآآ تعبج رآآآآحة..

قلت : خلااص الحينة انا قريب وبوصل البيت.....تقدر ترد البيت الحينة..واسمحلي مرة ثانية اخرتك ع البيت..

علي: مسمووحة..ومابينا هالرسميات.....لا عادي بتم لين اترديين البيت..

قلت : لا والله ترد..يكفي اخرتك واايد..

سكت شوي عقب قال : خلااص ع رااحتج.......يلا مع السلامة..

قلت : مع السلامة..

.

بندت..وتساندت ارتآآآح..

احس بصدآآآآآآآآآآع شدييييد..

.

ترييت خمس دقآآيق ..عقبها ظهر علي ...وركب سيآآرته وتحرك...

ترييته يبتعد..

عقبها..

وقفت بصعووبة....

صرخت لما حسييت الالم يزداد فـ ظهري..

غمضت عيووني...وما تحركت..اترياا الالم يخف..

.

تحركت ببطىء صوب البيت...

وو بالموت بعد صعدت الدري لين فوق..

.

تذكرت كلام يوسف اللي يتردد فـ رآآسي...

دمعت عيوووني...وحسيت بغصة عآآلقة فيني..

وصلت عند الباب.... تساندت عليه ارتااح..

.

" قال باشمئزاز: هااا شكل بنت.....؟؟؟؟ جوووفي شكلج....! صووووتج الخشن..شعرج..جسـ...."

صرخت احاول ابعد صوته اللي يتكرر فـ راسي...

ألــم رووحي اقوى عن ألم رآآسي وجسمي...

دووم يجرحني ولا كانهم السبب في كل شي..

.

ظهرت شهقة صغيرة منــي... دمعت عيونـي...

تماسكت شوي..

بسرعه صديت بدخل..لانه عآآدي اصيح هني وبصوت عآآلي..

.

بس ...! شهقت بخوف وصدمة لما شفت شخص واقف ع الدري..

وووو كان علي..

طآآلعني بذهوول...

انتبهت لشكلي...يآآآآآربي....ما كنت اباااه يجوووفني جيي..

وماابي اقاابله فـ هالوقت بالذاات..


نزلت راسي بأسى...

اقترب منــي بسسرعه....

قال بصدمة : لــ...ليش جي كله دم....؟؟؟؟ منو سواا فيج جذي......!!!!! فجـــــر...لييش جي شكلج..؟!!!!!!


حطّ ايده ع كتوفي و هزّني يباني اتكلم...

بس ماقدر...فيني غصّة..لو تكلمت بنهآآآآر..!


مسك رآآسي يتفحصه.....ولما جااف الجرح قال متفاجىء : افف...!!!!!! رآآسج منتفخ...!!

و شكله كاان ينزززززف...
.

مسكني وخلاني اصدّ غصب صوبه...

نزلت عيوني تحت..

.

قال بحزم بس مبين فـ صوته الخوف : منوووو اللي سووا فييج جذي....؟؟؟؟ ردي علييّ....؟ كابتن يوسف صح..؟ يوووووسف الحقير اللي سووا جيي......ردي عليّ..!!


كتمت شهقتي اللي كانت بتطلع..


علي: طآآلعي فيني.....ليش ما قلتيلي...ليش قصّيتي عليّ وقلتي انج بخيير....؟؟؟؟ ليش ما قلتيلي عسب اكسر راااسه هالحقير....!!! ولييش...ليش ضربج جيييي....!!! لييش..؟


هنـــي ما قدرت امسك عمري....حضنته وتمسككت فيه بقوة...وانفجـــــــرت اصيح...

.

: .......لانـ..ـي.....لانـ..ـــــي.. دآآفعـ..ـت عنـــ.ـك..........يبـ..ـآ يقتـ..ـلك ....عــ..ـلي...عَلـ....ـلي.....مابـ..ـي اخســ..ـرك.....واللــ..ـه.......مآبيــ..ـك تروح.....شـ..رات امــ..ي وابــ..ـوي.....

.

حسيته انصدم من كلاآآآمي...بس مسح ع رآآسي يهدّيني..

و سحبني لدآآخل..


..


،


بعد فترة هدييت.....

وعطيت علي شنطة الاسعافات الاولية اللي طلبها..بما اني رفضت اروح المستشفى..

وو لفّ رآآسي بالشآآش بعد ما طهّر الجرح..اللي ما كان كبير وايد...

.

قلتله الساالفة كللها...

في البداية كان يحسّب ان يوسف اكتشف انه يعرف هويتي..بس طلع انه ما يعرف.

.لكنه مستغرب من تصرفآآت يوسف الغريبة..؟ ليش جي سووا..؟ وشو يخصه ..؟

.

.

بعد فترة صمت..

قلت : علــــي..


طالع فيني ومارد..


قلت : علـــي.........أأ....ابيك تبتعد...

طالعني بنظرة يباني اكمّل..

قلت : أأ...لا تفهمني غلط...انا والله واايد ممتنه لك...بس مابي اعرضك للخطر..ارجوووك افهمني...انا والله مستحيييل اتحمّل افقد حد ثآآني بعد...." دمعت عيني " صدقني لو صار فيك شي ...بنتهي اناا....


سكـــت...


حسيته يفكّر...عقب فجأة ابتسم يطمني....وقال بتحدّي : لا تخآآفين....مافي الا طريقة وحدة نقدر فيها نوقف فـ ويه يوسف..!! على الاقل حالياً....

.

طآآلعته برعب...مادري شوو يفكّر فيه هالمينوووون اقوله هو يتريا اي شي منه عسب يذبحه وهو يفكر يوقف فـ ويهه......!!!!!!!!




\


\




اليوم التآآلي....

المســـآء..


،




شهــــرزآد...



،


الحينة انا في صآلة انتظآر الفنآآنين..

احسّ ببـــــرررد.... نحن فـ ديسمبر..والجوو بداا يبررد..

.

جفت الفناانات كل وحدة اكششخ عن الثانية...وانا بعد شراتهم.....لابسة

فستآآن اسود طويل...كتّ...وعليه فرو احمر..ورآآآص ع جسمي..

وشعري مرفوع بنعومة بتسريحة هادية...وعلى جنب وردة جورية حمرا..

والمكيآج نآآعم وهادي..

.

اليــوم الحفلة وآآآيد كبيرة....وبتتم طووول اللّيييل..

جفت فنآآنين يالسين يسولفون ويا بعض يتريون الحفلة تبداا..

وانا يالسة بعييد عنهم شوي ...

وفينــي رقآآد من الملل..


بس طآآر هالنووم من جفت عبيــر ترحب فيني بصووتها العآآلي...اكيد عرفتووها..عبير اللي مرة كانت موجودة في حفلة من الحفلات..واظن كان سعيدووه كان وياها..


وقفت مجاملة طبعن...ورديت ع ترحيبها ببرود..

هالحرمة لوووعه...تبط جبدي..


يلست عدّآآلي....وقعدت تثرثر عند رآسي اونها معجبة بأعمآآلي..والبوماتي........الخ..

ولو انا ابي اي مسااعدة..هي مستعدة تساعدني بما انها ام الخبرة..


كان خآآطري فـ هالوقت اسدّ حلجها بأي شي..

وكأنّ الامنية تحققت نصها.....

لان سعيدوو وصل وهي راحت بسرعه تسلم عليه...

تنهدت برآآحه....بس ادري ان هالراحه ما بدووم....

لاني توهقت الحينة باثنيين..

.

ردّت تقعد عدآلي..وسعيدوه ياا وقعد قريب منّــا..

طبعن لازم يرفع ضغطي ويقعد يسال ويسولف....

احسه يبا يغآآيضني...

كنت صآآده عنهم واطالع الناس..واذا كلّمونــي ارد عليهم بدون ما اطالع فيهم..

.

جفت سليمان يااي صووبنا..وويااه كم شخص..

وقفت وعرفناا ع بعض...وتمّوا يسولفون شوي وياي...عقبها سااروا..

رديت اقعد عدّال هالاثنيين اللي شكلهم ابدن مب ناويين يسكتون ويريحون رآسي..

.

لاآحظت ان في واحد لابس قنآع..يآآلس شوي بعيد عنّآ...يرآآقبني من اول ما قعدت..

كل ما اصدّ صوبه اجوف عينه عليّ...

اول مرة اجوفه..

شسآآلفته هو ونظرآآته..؟

طنشته..


،


بدآآآ الحفــــل....

وكان حمآآسي في البداية..

كل واحد بدآ يغني غنيته...

.

غنّيت كم اغنية...

ورديت اقعد فـ صالة الانتظآآر ..

ويلست برووحي... مادري متى هالحفلة بتخلّص..

جفت سعيد يحاول يتقرب..يبا يغني غنيتنا اللي ويا بعض..

حاولت ابتعد بدون ما يحس..لاني ادري ان سليمان يراقبني طول الوقت...

ويتريا مني اي حركة,,

.

سعيد: شهــرزآآد...يلااااا عآآد....بس غنية وحدة....ووحدة بسس...!


اففففف.....الله ياخذك يا سعييدووووه...

.

ابتسمت بصعوبة مجاملة : بعديييين مب الحينة...خليني ارتااح شوي...

سعييد : لااا الحينة...صدقيني الكلّ بيتحمس...لان هالغنية ما جافونا نغنيها ويا بعض..


بدييت اعصّب....شفييه هذا جي رززززه...يااخي افهمممم مااابااا..اففف منه..


حاولت اظبط اعصآبي : سعيــــد...أنــأ قلت..........


قطع علينا...هذاك الشخص المقنع اللي كان يراقبني.....

استغربت منه...شو يباا..؟


.....: احم....السموحه قآآطعتكم...بس ممم ممكن اطلب طلب من الحورية....؟

.

جفت سعيد كشّر..هههه لايكون يغاار ويا ويهه..؟

كآن بيرد عليه....

لكن بسرعه قلت : مسمووح.....تفضّل....اكيد ممكن..

ابتسم ابتسآآمة عذبة...: ممكن اذا سمحت الحورية...ارقص معها....؟

.

رفعت حواجبي..خييير...؟!.بس لمحت واحد من تابعين سليمان يطالعني من ورا نظارته الشمسية...

اففف..مااقدر ارفض..

طالعت فـ سعيد اللي يطالعنا باستنكآآر..

وجي ولا جي لازم ارقص ويا حد...

فاحسن ارقص وياه...

هههه فرصة اقهر فيها سعيدوووه..


.

ابتسمت على طول : اكيــــد ليش لاا...؟!

.

كنت بضحك ع شكل سعييد اللي فتح عينه ع وسعهن...

كان بيتكلم وبيحتجّ..

بس بسرعه مسكت ايد الشخص اللي مدها لي..

و مشينا من عدآله...

سمعت صوت ريوله تضرب في الارض و قعد يتحرطم..

.

من ابتعدنا...سحبت ايدي ع طول..

انا شآكّه فيه....منووو هذا ..وشو يبا مني...؟


استغربت لما طلب نرقص رقصة انجليزية...!

مب لاني ماعرفها...انا اعرف كل انواع الرقص...بس ليش هالرقصة بالذات..وخاصة انه اول مرة يرقص ويااااي...؟


ما رفضت طلبه...ليش هو ع كيفي اصلن..؟


قلت وانا اطالعه : انت منوو...؟ وليش حاطّ قنآآع..!؟


مارد عليّ...بس التفت لواحد يطالعنا من بعيد...وكان من اتبااع سليمان...


عقبها رد يطالعني و مسك ايدي برقّة وقال : يلاااا...

.

صعدنا المنصّة..

الكلّ تحمّس وتمّوو يصفقووون.. وبدت القااعه تهتز بحمآآسهم..!!!

انحنى الشخص المقنع لهم بطريقة مسرحية...

.

يت عيني ع سليمان اللي مستغرب من الشخص...وشكله ما تعرف عليه...

وكان يسال اللي عداله..ويأشّر عليه...وهزّ الثاني كتوفه يعني ماعرفه..

والتقت عيني بعين سعيد...اللي تنطق بغيضّ...!

بعدت عيني عنّه وانا ابتسم ابتسامة حسيتها قهــرته..ههه..

.

اشتغلت موسيقى هآآدية....

مدّ ايده لـــي..وابتسامته العذبه ما تفآآرق شفآآآته..

هنــي فلاااشاااات التصوير كلها اشتغلت....

مسكت ايده..

وبدينا نرقص..

كان قريب مني وآآآيد....وعسب جي اكره هالرقصة...

تأملته... يمكن اعرفه...

بس ما تعرفت عليه...اول مرة اقابله فـ حيآآتي...

انتبه عليّ ...

طالعني وبعده مبتسم...

اقترب منّي زياااادة...

انحرجت منه...

قال وبعد محافظ ع ابتسامته : سمعي شهرزااد... خليييج مبتسمة...والكلام اللي بقووله..لاتخلينه يظهر ع ويهج...

.

استغربت منه..! بس نفذت كلامه..

.

قال : انا من طرف علــي...وقالي اوصلج هالرسالة..لانه مافي طريقه اوصلج اياها بدون ما يشك سليمان الا هاي......


ركزت فـ عيونه ... وانا متفاجأة....

قرب ويهه مني بزياادة وكانه يحاول يخفي ملامحي عن الكل..


كمّل : اخوااانج عند خآآلتج...وسليمان ما يعرف وينهم....وكل اللي قاله لج سليمان كان فخّ.....فخّ طحتي فيه....علي حاول يوقفج...لكن ماقدر...لانه فات الوقت..و طحتي فـ ايد سليمان..

.

صدمـــة...×..صدمـــة....×...صدمـــة...!!!

حسيت اني انشليت عن الحركة..!!

بس هو اللي يحركني بايده...!!

.

اخـــوآني....انا..اخوااني بخييير.....

الحمــــــــدالله...الحمــــــــــدالله...

احس بفررررحـــــــة ما توسعنــــي....!!!

كنت عآآيشة فــ كآآآبووس مخييف....كنت اعآآآني واتألّم وافكر فـ اخواني اللي تحت رحمة سليمآآن...!

وو اخر شي طلع انه ما يعرف وينهم اصلن...!!!

.

اعتصر قلبي بالم.....لاني كنت غبية..هييه غبية...فكرت بعآآطفتي ما فكرت بعقلي..

احس الحينة اني ندمآآنة قد شعر رآآسي..لاني ما سمعت رمسة علي وتحذيره لي..

.

انتبهت لما كمّل : علي يقولج تمّي عند سليمان لين ما يلاقي حلّ....ويوعدج انه بينقذج منه...بس خليج وااثقة منه....خليج وااثقة من علي انه بيسآآعدج..!


هزيت رآآسي موافقة على كلامه...


...: واذا في اي شي علي يباا يقوولج...بتكون هاي طريقتنا للتواصل بما ان الرقابة عليج مكثفة...

.

دمعت عيووني من طيييبة علي......!

نآدرا حد يحصّل اشخآآص يملكون قلب شرآت قلبه الطيب...

ماستوي له شي..وغيره انه ماعرفني الا كم يوم..ومع هذا يسآعدني..

.

غمضت عيوني ونزلت دمعتي العالقة... قلت وفيني غصة : قلّه...قّله مشكوووور...وشهرزآآد مستحييل تنسى اللي تسويه لها....ومستحيل ترد لك جمآيلك اللي عليها..

؟؟

حسيت بأصآبعه تمسح ع خدي برقه....

فتحت عيوني...وشفته يبتسم بحنآآن..

قربّ صوب اذوني وهمس : ابتسمـــي..!


ابتسمــــــت...بس هالمرة برآآآحة...وبامتنآآآآآن...وبشكر لربــــي اللي ما ينسى حد..!


.

وقفت الموسيقى..

و وقفنآ الرقص...

ووو وقفوا كل الحآضرين بحمآآآس..واهتزت القآآعة بالتصفييق والتصفيير...!!

لوّحنــا للحآضرين بابتسآآمة..

واختفينا من انظآآرهم...

.

وقفت فـ صآلة الانتظآآر..

تنهدت برآآآحة...

الحمدالله بعد هالاخبآآآآر احس همّ كبير وانزآآآآآح..

صحّ...! ما شكرت الشخص اللي وصلّي الاخبآآر..!

صديت وراا بشكّر الشخص المقنّع...

بس ما حصلته..!!!

اختفــــى.!!!!!!

ويينه..؟

توّووه كان وراااااااي...!!.؟

.

جفت عآملة يالسة توزع العصير ع الفنآآنين..

سالتها عن الشخص اللي دخل معاي وين راح..؟

وبعد ما وصفت لها شكله..

قالت انه ع طول ظهر...ودلتني ع المكان اللي ظهر منه...

رحت صوب الممر اللي قالتلي عنه..

ما حصلته...

طلعت برآآآ بسسرعه..

لفحتني البروووودة..شدّيت ع الفروو..

ورحت ادوره ..

بس اختفى..!

وقفت جدآم المدخل..

الظاهر انه رآآح....

نفذّ مهمته ورآآآح....

ابتسمت بامتنااان..

همست : مشكور...قدّمت لي خدمة ما بنسآها لك..!!!

.

صدّيت بدخل دآآخل...بس تفآآجأت بالنآآآس اللي فجأة تجمعت عليّ...

والصحفيين...والكآآميراات اللي تصورني...!!!

وكلهم موجهين المايكروفونات عليّ....


1.: اليوم أدّيتـــي الدوور ببرآآعه...!!! وكنتي فعّلا حورية مع الشخص المقنّع...!!


اكتفيت بابتسامة..

2.: جمآآهيرج ومعجبينج فيهم فضّول ويبون يعرفون شو قال المقنّع للحورية وخلاّها تبتسم..؟

3.: ولا ننســـى الحركة اللي ثآآرت الحضور لمّا مسح ع دموع الحورية برقّّة...!

.

ووو اسئلة..ورا اسئلة..ورا اسئلة..!

طالعتهم يتريووني اجاوب..وبعد ماجفتهم خلّصوا من اسالتهم.. ضحكت بخفّة وحطيت صبعي ع شفآتي ..

وقلت : ســـــــر ّ....!!!!

.

سمعت احتجآآآجآتهم.....

ومشيت عنهم..ابا اطلع من هالزحمة....

يوّو اتباع سليمان..وبعّدوهم عنّــي...

ورديت صآلة الانتظآر..

وقعدت وانا احسّ بالامآن وبالرآآحة...!



//


//


بدر البدور..


،


انزويت فـي زآويتي...التي اصبحت مؤخرا مصدر الامآن لديّ...بعدما اختفى مصدري الاسآسي وسلمّني لهذا المتوحش..!!


فأصبحت حيآتي..

عذآآب..وعذآآب...وعذآآب...!!!!!


تمنيت لو انّني لم اخرج من سجنّــــي...!

فهــذا المتوحّش لا يتقنّ سوا تعذيبـــي..!!

.

اغمضت عيني..واحتضنت ساقاي اللتلان ترتجفآآن...

اطلقت انين بكآئي...

اين هوو...؟

لماذا تخلّى عنّي...؟

كل يوم اصرخ واستنجد به..ولكنه لا يسمعٌني....!

تركَنــي اذوق عذاباً ضعف ما عآنيته...

.

سمعت وقع خطوآآت قآآدمة...

لحظآت..وفتح الباب بقووووة....

ارتجفت اوصآآآلي...ونظرت اليه بعينين خآئفتين...


تقدّم إليّ وأمسك بيدي بقوووة...

وجرّنــي ورآآءه..

وانا اعلم الى أين.....الى عذآآبــي...!!!!


الطبيب وليد : انتي يا بنت الـ****....انتي اصلن مب بشر..انتي حيوآآن...لا تتكلمين..لا تفهمين...كم مررررة اقوووولج لا تصيحيين وتعوريين رآآآسي...؟ لااا تصييحييييين...

هه وانا ليش اعور راسي وارمسج وانتي ما تفهمين الا هذاااا...

.

أشآآر بيده الى مكآآن تعذيبي......مكآآن يمتلىء بأشيآآء غريبة....

اشيآآء مخييفة....

رفعنــي بقسوة....واجلســني وشدّ وثآآقي....!

اقترب منّـــي..وهو ممسك بذلك الشي المؤلم....

اطلقت آآهآت مستغيثة.....

آآهآت تطلب منه الرحمة والرأفة....!

ولكنه اشدّ قسسوة من ان يفهم شعوري....!

وو

بدأ بتعذيبـــــــي....!!


،


فـي نفس المكآن..

دخل الى المنزل..

خلع معطفه...واخذه منه خآدمه...

.

تنهد برآحه...فقد عآد لتوّه من سفره..

صعَد للاعْلى متوجّه لغرفته...فهو بحآجه الى الرآحة بعد سفره المتعب...

.

شعر بانه مشتآآق لها....الى نظرتها البريئة...الى همهمآآتها....

ولكنه يريد ان يرآها وقد استعآدت صحتها...

وليس الآن...!

.

ولكن....

شوقه..ورغبته في ان يرآها...جعل قدمآه تتوجهآن الى قسمها الخاص..الذي جهّزه خصيصاً لعلاجها..

على الاقل يرآها عن بعد..ليطمئن عليها..

.

توقّع ان يرآها نائمة في هذا الوقت..

ففتح الباب بهدووء...

توجّه إلى الدآآخل.....وإلى غرفتها...

.

لم يجد احد هنآآك.....

توقف للحظة..

عقد حآجبيه عندما سمع صوت يآتي من غرفة أخرى...!

اقترب من مصدر الصوت..

هذه الغرفة الخاصة بعلاجها النفسي...!

رأى ضوءا يأتي من خلف هذا الباب..

تقدّم...

وهو يعقد حآجبيه اكثر عندما سمع صوت احد يبكي بيأس..

وبدآ الصوت ينخفض شيئا فـ شيئا...

.

فتح الباب بهدووء....

ووو



هآآآآآآآله ما رأى...!!!!!!!!!!!!!!!

الصغيرة...الطفلة..التي انقذها من عذآبها وسجنها الذي دآم خمس سنوآآآت...

الان هي أمآآآآمه تُصعق بالكهربآآآآء.....!!!!!!

انعقد لسآآآآنه...

تقدم ببطىء وهو يراها تنهآآر..وعيناها تتقلبآآن..دلالة على انها سوف تفقد الوعي بعد لحظآآت..او بالاصح بعد عددة صعقآآآت...


لم يكُن الطبيب ينتبه ان هناك شخص وراءه يرآقب ما عمله الوحشي..

.

اما بدر البدور...

ما ان رأت الشخص الواقف خلفه..

حتى صآآحت بصوت أعلى...وكانها استمدت طآآقة بمجرد أن رأته..!!!

.

التفت الطبيب بسرعه الى ما تنظر اليه وجعلها تصرخ بشدة..

توقّف مذهولاً ووقع الصاعق من يده...

وماهي الا لحظآآت.....حتى تلقّى لكمة قوية اوقعته ارضاً...

ولم يكآد يعي ما حدث له...حتى انهالت عليه الضربآت بقووة...

صرخ مدآفعآ : أأ....استاذ بدر...صدقني.....لحظة....بقووولك......هذا جزء من علاجها....صدقنــــــي.....!!!

صرخ بدر بغضب : من ويييين يبت هالجهآآآآآز...انا ما يبته لهااااا....!!!

بلع ريقه بخوف : أأأ....انا يبته...بس صدقني هذا جزء من علاجها...هذا بيخلييها تشفى بسرعه...ووووو......

.

ادر كان بدر لم يستمع الى تبريره..لان عينآآه قد جحضتآ من الغضب..

امسك بدر برأسه...وضربه بقوة في الارض...

.

ابتعد عنه..وهو يتنفس بغضب...

التفت الى بدر البدور..التي ترتعد ....

وبسرعه حلّ وثآقها...

واحتضنها بقوووووة.....واطلقت هي بكآئها بحرية في حضنه...

ثواني وهو يضمّها بقوة ليشعرها بالامآن...

ثم خرج بسرعه..

وتوجّه الى غرفتها..وضعها على السرير... فرفضت وتشبثت به بقووة..

وبصعوبة تركته وهي تبكي لاتريده ان يذهب..

وبسرعه عآد الى الطبيب ..رآه يتألم على الارض..

امسكه من يآآقته..

ورفعه....سدد اليه لكمة أخرى...

ثم وضعه مكآن بدر البدور...وشدّ وثآقه....

.

نظر اليه الطبيب برعب...!

ابتسم اليه بغضب وبخبث : بتذووووق اللي ذآآقته يالـ ****...والله لراويك الويل يالـ***..

.

اوصل الأسلاك بالطبيب..

ثم ألقى نظرة اخيره عليه و قد إزرقّ وجهه الاخر من الخوف..!

ادار قرص الطاقة لتشغيل الكهرباااء...

ووو

علااا صرآآخ الطبيـــــــب عندما صعقته الكهربآآء..


وخرج بدر من الغرفة ببرود..واغلق الباب خلفه...

.

توجه الى غرفتها....

ولم يجدها على سريرها....

جال ببصره في الغرفة....

فرآها منزوية في زآويتها..ومحتضنة جسدها وهي ترتجف..ورأسها منخفض.. تبكي بصمت...

ابتسم بحنآن..

اقترب منها..مسح على ظهرها...

رفعت رأسها بسرعه....وعندما رأته..

ازداد نحيبها...

رفعها من على الارض..

واحتضنها......همس في أذنها : آآسف....آسف يا بدري...!!



//



~| نهآية البارت السابع عشر |~

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
BESHO ♥



انثى عدد الرسائل : 166
الموقع : بغرفتي
العمل/الترفيه : طالبةة
المزاج : ططططفشششانةة
تاريخ التسجيل : 17/07/2012

مُساهمةموضوع: رد: رواية همس الموت | Whisper death    الإثنين ديسمبر 03, 2012 9:07 am

خخقه البارتتت وربي
انتظظركك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
رواية همس الموت | Whisper death
استعرض الموضوع السابق استعرض الموضوع التالي الرجوع الى أعلى الصفحة 
صفحة 4 من اصل 5انتقل الى الصفحة : الصفحة السابقة  1, 2, 3, 4, 5  الصفحة التالية
 مواضيع مماثلة
-
» اغاني وصور مسلسل مفكرة الموت..(Death Note)...!!!
» حصريـا على ماى ايجى مزيكا فيلم الكوميديا الرائع وسابع البوكس اوفيس Death at a Funeral 2010
» ترجمة الفيلم Death Defying Acts للنجمة كاترين زيتا جونز ..!!
» حصريا وبانفراد تام وقبل الجميع لعبة السيارات الرائعة death track 2009 مضغوطة من 6 جيجا الى 2جيجا وبدون حذف

صلاحيات هذا المنتدى:لاتستطيع الرد على المواضيع في هذا المنتدى
منتدى بويه :: القسم الأدبـي :: القصص والروايات-
انتقل الى: